ល្ហុងមានប្រយោជន៍ច្រើនហួសស្មានទាំងសម្រស់ និងសុខភាព

2014-12-29 17:34:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្ហុងជាផ្លែឈើដ៏ពេញនិយមមួយប្រភេទរបស់ប្រជាជនខ្មែរ ដោយសារតែវាអាចយកទៅធ្វើម្ហូបបាន និងមានរសជាតិឆ្ងាញ់ ហើយអាចទទួលទានបានទាំងនៅខ្ចី និងពេលទុំ។ ប៉ុន្តែក្រៅពីរសជាតិឆ្ងាញ់ពិសា ល្ហុងនៅមានអត្ថបទប្រយោជន៍ចំពោះសុខភាពជាច្រើនទៀត ហួសពីការស្មាន។ ខាងក្រោមនេះគឺជាអត្ថប្រយោជន៍ជាច្រើនរបស់ផ្លែល្ហុង៖

១. ល្អចំពោះស្បែក

វាគឺជាផ្លែឈើដ៏អស្ចារ្យមួយដែលមានប្រយោជន៍សម្រាប់ស្បែក និងអាចធ្វើម៉ាស់បិតមុខដើម្បីឲ្យស្បែកមានភាពស្រស់ស្អាត។ វាជួយកម្ចាត់ការឆ្លងមេរោគមុន ជួយបើករន្ធញើសដែលស្ទះ និងបញ្ហាស្បែកផ្សេងៗទៀត។ សាច់របស់ផ្លែល្ហុងគេហៅថា papain ដែលអាចជួយក្នុងការរំលាយកោសិកាងាប់ និងទទួលបានស្បែកស្រស់ស្អាតជាថ្មី។

២. កាត់បន្ថយកូឡេស្តេរ៉ូល

វាជាផ្លែឈើដែលសម្បូរទៅដោយជាតិសរសៃដែលអាចជួយបន្ថយកម្រិតកូឡេស្តេរ៉ូលក្នុងឈាមបាន។ វាផ្ទុកអង់ស៊ីមដែលជួយការពារអុកស៊ីតកម្មកូឡេស្តេរ៉ុលកុំឲ្យត្រឡប់មកវិញ និងអាចជួយការពារការគាំងបេះដូង។

៣. ប្រឆាំងភាពចាស់

ផ្លែល្ហុងមានសារធាតុប្រឆាំងអុកស៊ីតកម្មក្នុងការជួយគ្រប់គ្រងភាពចាស់ជាងវ័យបាន។ គុណភាពរបស់ផ្លែល្ហុងនេះគឺអាចជួយឲ្យអ្នកមើលទៅក្មេងជាងវ័យ។

៤. បង្កើនភាពស៊ាំ

ប្រព័ន្ធភាពស៊ាំដើរតួនាទីជាខែលប្រឆាំងនឹងការឆ្លងមេរោគនានាដែលអាចធ្វើឲ្យអ្នកមានជំងឺ។ ល្ហុងតែមួយមុខមានផ្ទុកវីតាមីន C ២០០% នៃតម្រូវការប្រចាំថ្ងៃ និងធ្វើឲ្យប្រព័ន្ធភាពស៊ាំរបស់អ្នករឹតតែប្រសើរឡើង។

៥. ល្អសម្រាប់អ្នកជំងឺទឹកនោមផ្អែម

ផ្លែល្ហុង គឺជាជម្រើសអាហារដ៏ល្អឥតខ្ចោះសម្រាប់អ្នកជំងឺទឹកនោមផ្អែមព្រោះវាមានជាតិស្ករទាប។ ដូចគ្នាផងដែរអ្នកដែលគ្មានជំងឺទឹកនោមផ្អែមអាចបរិភោគល្ហុងដើម្បីការពារវាពីការកើតឡើងនូវជំងឺនេះ។

៦. ប្រឆាំងការរលាកសន្លាក់

រលាកសន្លាក់គឺជាប្រភេទមួយជំងឺមានគ្រោះថ្នាក់ខ្លាំងបំផុត។ បរិភោគល្ហុងគឺល្អសម្រាប់ឆ្អឹងរបស់អ្នកព្រោះវាមានគុណសម្បត្តិប្រឆាំងនឹងការរលាក ព្រមទាំងផ្ទុកនូវជាតិវីតាមីន C ដែលជួយក្នុងការរក្សាសំណុំបែបបទផ្សេងគ្នានៃការរលាកសន្លាក់។

៧. ជួយកាត់បន្ថយការឈឺចាប់ពេលមករដូវ

ស្ត្រីដែលកំពុងជួបប្រទះការឈឺចាប់ពេលមករដូវគួរតែទទួលទានផ្លែល្ហុងព្រោះវាមានជាតិអង់ហ្ស៊ីម papain ដែលជួយក្នុងគ្រប់គ្រង និងធ្លាក់ចុះលំហូរឈាមកំឡុងពេលមករដូវ។

ចុចអាន ស្វាយមានប្រយោជន៍ច្រើនហួសស្មាន ទាំងសុខភាព និងសម្រស់

ប្រែសម្រួល៖ ទ្រី រ៉ាវី ប្រភព៖ thehealthsite