Apple Watch ដ៏ប្រណិតគ្មានពីរលើលោកនឹងចេញនៅខែមីនានេះ តម្លៃ...

2015-01-11 18:51:56
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សក្នុងពិភពបច្ចេកវិទ្យាទន្ទឹងរង់ចាំយ៉ាងអន្ទះសាប្រើប្រាស់ Apple Watch បន្ទាប់ពី Apple បានប្រកាសបង្ហាញពីផលិតផលដំបូងក្នុងប្រវត្តិសាស្ត្រខ្លួនមួយនេះកាលពីក្នុងព្រឹត្តិការណ៍បង្ហាញ iPhone6/ 6 Plus កាលពីខែកញ្ញាឆ្នាំមុន។

ទីបំផុត Apple Watch នេះនឹងបង្ហាញខ្លួនលើទីផ្សារជាផ្លូវការនៅខែមីនា ខាងមុខនេះនៅអាមេរិក ឯតម្លៃចាប់ពី ៣៤៩ ដុល្លារឡើងទៅ។ នេះបើយោងតាមប្រភពពី 9to5Mac វិបសាយល្បីខាងបច្ចេកវិទ្យានៅអាមេរិក។

នាឡិកាដៃឆ្លាតវៃនេះ មាន ៣ ប្រភេទគឺ៖

- Apple Watch ស្រោបដោយលោហធាតុពណ៌ខ្មៅ និងកញ្ចក់គ្រីស្ដាល់មិនឆ្កូតភ្លឺច្បាស់ថ្លា។

- Apple Watch Sport ស្រោបដោយអាលុយមីញ៉ូមពណ៌ប្រាក់ ជាមួយកញ្ចក់ប្រភេទ Ion-X និងមានពណ៌លេចស្រស់។

- Apple Watch Edition ស្រោបដោយមាស ១៨ ការាត់ពណ៌មាស និងមានកញ្ចក់កាត់មិនឆ្កូត។

ដើម្បីប្រើភ្ជាប់ជាមួយ Apple Watch អ្នកប្រើត្រូវមាន iPhone 5c/ 5s/ 6/ 6 Plus ខណៈដែលនាឡិកាឆ្លាតវៃនឹងមានប្រព័ន្ធប្រតិបត្តិការ iOS 8.2 តែម្ដង។

http://youtu.be/y-waTi8BPdk

Apple Watch មានមុខងារជាច្រើន ដូចជា កម្មវិធីមើលធាតុអាកាស កម្មវិធីមើលម៉ោងពិភពលោក កម្មវិធីសុខភាព កម្មវិធីផ្ញើ/ទទួលសារ កម្មវិធីប្រតិទិន កម្មវិធីមើលផែនទី ជាដើម។ Sabay នឹងផ្សាយលម្អិតពីលក្ខណៈពិសេសរបស់ Apple Watch នាពេលក្រោយ៕