Western Cup សប្ដាហ៍នេះរៀបចំនៅវិទ្យាល័យបាក់ទូកនិងភ្នំពេញថ្មី
- 2015-01-16 17:07:15
- ចំនួនមតិ 0 | ចំនួនចែករំលែក 0
Western Cup សប្ដាហ៍នេះរៀបចំនៅវិទ្យាល័យបាក់ទូកនិងភ្នំពេញថ្មី
ចន្លោះមិនឃើញ
វគ្គជម្រុះតាមពូលពានរង្វាន់បាល់ទះធំប្រចាំវិទ្យាល័យក្នុងរាជធានីភ្នំពេញ Western Cup 2015 នៅសប្ដាហ៍នេះមានចំនួន ៤ ប្រកួតដោយគ្រោងរៀបចំនៅទីលានបាល់ទះក្នុងវិទ្យាល័យបាក់ទូក និង វិទ្យាល័យ ហ៊ុន សែន ភ្នំពេញថ្មី។
សកម្មភាពប្រកួត Western Cup កន្លងទៅ
សម្រាប់ទីលាន វិទ្យាល័យ ហ៊ុន សែន ភ្នំពេញថ្មី នឹងត្រូវទទួលការប្រកួតរវាងក្រុម វិទ្យាល័យ ហ៊ុន សែន ជម្ពូវ័ន និង ក្រុម វិទ្យាល័យឥន្ទ្រទេវី ចាប់ពីម៉ោង ២ រសៀលតទៅ ថ្ងៃទី ១៦ មករា នេះ។ មួយប្រកួតទៀត ក្រុមវិទ្យាល័យទួលអំពិល ត្រូវប៉ះក្រុមវិទ្យាល័យ ជា ស៊ីម ឈូកវ៉ា នៅម៉ោង ៤ រសៀល។
ចំណែកទីលានបាល់ទះវិទ្យាល័យបាក់ទូក វិញមាន ២ ប្រកួតដូចគ្នា ដែលនឹងរៀបចំនៅថ្ងៃសៅរ៍ ស្អែកនេះ។ ក្រុមវិទ្យាល័យ ប៊ុន រ៉ានី ហ៊ុន សែន កោះដាច់ ជួប វិទ្យាល័យ ហ៊ុន សែន ប៊ុនរ៉ានី វត្តភ្នំ នៅម៉ោង ២ រសៀល ហើយវិទ្យាល័យ ឬស្សីកែវ ប៉ះ វិទ្យាល័យព្រែកលៀប នៅម៉ោង ៤ រសៀល។
ពានរង្វាន់សម្រាប់តែសិស្សវិទ្យាល័យនេះមានក្រុមចូលរួមចំនួន ៣២ ដោយបែងចែកទៅជា ៤ ពូល ក្រុមខ្លាំងតាមពូលនីមួយៗ ចំនួន២ ក្រុមមានកៅអីឡើងទៅលេងនៅវគ្គបន្ទាប់ ដើម្បីប្រជែងរង្វាន់ប្រាក់លាន។ ក្រុមជើងឯកនឹងទទួលទឹកប្រាក់ចំនួន ១០ លានរៀល ខណៈក្រុមជើងឯករកបាន ៦ លានរៀល ក្រុមលេខ ៣ នឹងទទួលបានទឹកប្រាក់ ៤ លានរៀល និងក្រុមលេខ ៤ ចំនួន ៣ លានរៀល។
Western Cup 2015 រៀបចំឡើងដោយសាកលវិទ្យាល័យវេស្ទើន ក្រោមការឧបត្តម្ភដោយក្រុមហ៊ុនដៃគូមួយចំនួនដូចជា ភេសជ្ជៈ M-150, រោងភាពយន្តលេជេន, ផ្សាទំនើប Cambodian Superstore, ភេសជ្ជៈ AQUARIUS, សាលាវេស្ទើនអន្តរជាតិ, មជ្ឈមណ្ឌលបណ្ដុះបណ្ដាលវេស្ទើន, Sokha Hotel and Resorts និង វេបសាយ Sabay៕
Sabay នឹងជម្រាបជូនពីលទ្ធផលក្រោយចប់ការប្រកួត។
អត្ថបទ៖ ម៉ឺន រស្មី