រឿងមិនដែលដឹងពីអ្នកនិពន្ធចម្រៀង ( Music Composer ) នៅកម្ពុជា!

2015-01-20 17:06:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទុយពីរឿងជុំវិញខ្លួនរបស់សិល្បករដែលមានអ្នកតាមដាន និងដឹងលឺច្រើន ប៉ុន្តែរឿងជុំវិញខ្លួនអ្នកនិពន្ធចម្រៀង ឬ Music Composer វិញកម្រមានអ្នកដឹងលឺណាស់ ពិសេសពាក់ព័ន្ធនឹងរឿង "លុយ" ថាតើពួកគេទទួលបានភាគលាភ ឬកម្រៃរបៀបណាពីការងារនិពន្ធយឹតយោងប្រជាប្រិយភាពតារាចម្រៀងរបស់ពួកគេ។

ឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន

ឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន ដែលមានអតីតភាពជាបណ្ឌិតភ្លេងបញ្ចប់ការសិក្សាមកពីប្រទេសប៊ុលហ្គារី ព្រមជាអ្នកនិពន្ធចម្រៀងមួយរូបផង បានចែករំលែកថា តាមការសិក្សារបស់ឯកឧត្តម គឺរបៀបធ្វើការ និងរបៀបទទួលកម្រៃរបស់អ្នកនិពន្ធចម្រៀងក្នុងស្រុក ខុសគ្នាពីអ្នកនិពន្ធចម្រៀងនៅប្រទេសជឿនលឿន។

ប្រាក់កម្រៃរបស់អ្នកនិពន្ធចម្រៀង ឬ Music Composer នៅកម្ពុជា

ប្រាក់កម្រៃរបស់អ្នកនិពន្ធចម្រៀង ឬ Music Composer នៅកម្ពុជា ជាទម្លាប់តម្លៃ(ប្រាក់ឈ្នួល)របស់ពួកគេ អាស្រ័យលើម្ចាស់ផលិតកម្ម ឬក្រុមហ៊ុន ( ថៅកែ )ជាអ្នកកំណត់ ។ ឧទាហរណ៍ ៖ ថៅកែអោយអ្នកនិពន្ធយកបទនេះទៅបកប្រែ ឬតែងថ្មីដោយតម្លៃមួយបទប៉ុណ្ណេះ ឬប៉ុណ្ណោះតាមការចរចា។ល។

នៅពេលដែលអ្នកនិពន្ធយល់ព្រម ថៅកែក៏អោយបទទាំងនោះទៅអ្នកនិពន្ធ ឬ Music Composer នោះយកទៅធ្វើ។ ទម្លាប់បែបនេះ ចេះតែមានជាហូរហែ ហើយក៏មានការដេញថ្លៃគ្នា អ្នកនិពន្ធខ្លះក៏យល់ព្រមយកតម្លៃថោកបន្តិច ដើម្បីបានការងារធ្វើ ហើយអ្នកនិពន្ធខ្លះក៏មិនព្រមធ្វើ។ល។ រីឯបទចម្រៀងដែលថៅកែទទួលបាន គេយកទៅធ្វើអ្វីក៏បានជាសិទ្ធរបស់ថៅកែ។

ចុះប្រាក់កម្រៃរបស់អ្នកនិពន្ធចម្រៀងនៅប្រទេសជឿនលឿនវិញ គេធ្វើដូចម្តេច?

ប្រាក់កម្រៃរបស់អ្នកនិពន្ធចម្រៀង Music Composer របស់ប្រទេសជឿនលឿន គេតែងតែចែកភាគរយជាមួយនឹងក្រុមហ៊ុន។ ឧទាហរណ៍៖ក្រុមហ៊ុន A ទាក់ទងជាមួយនឹង Music Composer B ដោយភាគីទាំងពីរយល់ព្រមផលិតបទចម្រៀងជា CD មួយ Album (១០បទ) ដោយ Music Composer មានភារកិច្ចក្នុងការតែងនិពន្ធបទចម្រៀង ហើយក្រុមហ៊ុនមានភារកិច្ចក្នុងការចាត់ចែងផលិត និងឃោសនា ផ្សព្វផ្សាយ។ល។

ដូច្នេះដើម្បីឲ្យស្នាដៃនិពន្ធរបស់ខ្លួនមានការគាំទ្រ និងលក់ដាច់ Music Composer បានខិតខំប្រឹងប្រែងយ៉ាងខ្លាំងក្នុងការតែងនិពន្ធដោយយកចិត្តទុកដាក់ ដែលនាំអោយស្នាដៃរបស់គេមាន គុណភាព។

បញ្ជាក់ ៖ ករណីចុះកុងត្រា ប្រសិនបើផលិតជា CD ក្រុមហ៊ុននោះលក់តែ CD តែប៉ុណ្ណោះ (ដោយមានចំនួនកំណត់តាមកុងត្រា Copy លើកទី១ប៉ុន្មាន បើអស់ចង់ Copy លើកទី២ ត្រូវចុះកុងត្រាជាថ្មីទៀត) ដោយមិនហ៊ានយកទៅផលិតជា MV ឬអ្វីផ្សេងនោះទេ ហើយបើករណីបទចម្រៀងនោះល្បី ក្រុមហ៊ុនចង់ផលិតជា MV លុះត្រាតែមានការអនុញ្ញាតពី Music Composer។

ងាកមកអ្នកនិពន្ធចម្រៀង ឬ Music Composer ជើងថ្មីវិញ តើត្រូវធ្វើដូចម្តេច ដើម្បីបានឱកាសជាមួយក្រុមហ៊ុនក្នុងការផលិតបទចម្រៀង?

ជាធម្មតា អ្នកនិពន្ធចម្រៀង ឬ Music Composer ថ្មីៗ គេតែងតែរកឱកាសក្នុងការបង្ហាញស្នាដៃរបស់គេ តាមរយៈការប្រគំតន្ត្រី ឬការបង្ហាញស្នាដៃនិពន្ធរបស់ខ្លួនក្នុងប្រព័ន្ធផ្សព្វផ្សាយជាដើម។ ការធ្វើបែបនេះ គឺគ្មានអ្វីក្រៅពីឲ្យមានការចាប់អារម្មណ៍ចំពោះស្នាដៃរបស់ខ្លួន ពីបណ្ដាក្រុមហ៊ុនផលិតបទចម្រៀង ដើម្បីជាឱកាសដល់ខ្លួនក្នុងការចូលរួមផលិតបទចម្រៀងរបស់គេនោះទេ។

នៅពេលដែល Music Composer ថ្មី បានចុះកុងត្រាជាមួយក្រុមហ៊ុនណាមួយហើយ ប្រាក់កម្រៃ ក៏ទទួលបានជាហូរហែដូចអ្នកនិពន្ធ មុនៗដែរ៕

អត្ថបទ ៖ តួលេខមិនធ្លាប់មានត្រឹមជាងកន្លះខែដើមឆ្នាំ ២០១៥ មាន ១២ រឿងស្នើសុំទិដ្ឋាការពីនាយកដ្ឋានភាពយន្ត!

អត្ថបទ៖ ទារិកា