រថយន្តចូលចតស្វ័យប្រវត្តិ បច្ចេកវិទ្យាថ្មីបំពាក់លើរថយន្តទំនើបៗ

2015-01-20 18:42:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធចូលចតរថយន្តដោយស្វ័យប្រវត្តិ (Active Park Assist) ជាប្រព័ន្ធបច្ចេកវិទ្យាដ៏ទំនើប ដែលអាចជួយឲ្យការចូលចតរថយន្តបានដោយងាយស្រួល និងមានសុវត្ថិភាពខ្ពស់ដោយមិនចាំបាច់កាន់ចង្កូតដោយខ្លួនឯង គឺគ្រាន់តែចុចលើប៊ូតុងចូលចតដោយស្វ័យប្រវត្តិនោះ រថយន្តនឹងស្វែងរកកន្លែងចូលចតដោយខ្លួនឯង។

ប្រព័ន្ធចូលចតរថយន្តដោយស្វ័យប្រវត្តមានបំពាក់នៅលើប្រភេទរថយន្តទំនើបៗជាច្រើនមានដូចជា Toyota Prius, Mercedez-Benz និង Ford Explorer ជាដើម។

ខាងក្រោមនេះជារបៀបប្រើប្រាស់ប្រព័ន្ធចូលចតដោយស្វ័យប្រវត្តិនៅលើរថយន្ត Ford Explorer។

ដំបូងលោកអ្នកគ្រាន់តែធ្វើការបើកបរនៅល្បឿនមួយដែលត្រៀមខ្លួនរកកន្លែងចូលចត

2. ជាមួយប្រព័ន្ធចូលចតដោយស្វ័យប្រវត្តិ អ្នកបើកបរអាចចូលចតបានតែចំពោះការចតបណ្ដោយជាមួយរថយន្តដទៃទៀត

3. សូមធ្វើការចុចបូតុងអក្សរ “P” រួចធ្វើការរង់ចាំរហូតដល់ពេលលោតភ្លើងបញ្ជាក់ថាប្រព័ន្ធដំណើរការ

4. សូមធ្វើការកាច់ស៊ីញូទៅតាមទិសដៅ ដែលលោកអ្នកចង់ធ្វើការចូលចត

5. ដកជើងចេញពីហ្គា(Gear) ហើយជើងមួយទៀតអបហ្វ្រាំង

6. ទាញចង្កឹះលេខមកដាក់អក្សរ “R” រួចដកដៃចេញពីចង្កូតឡាន

7. បញ្ឈប់ឡានពេលដែលលោកអ្នកលឺសម្លេងផ្តល់សញ្ញាបញ្ជាក់ប្រាប់

8. ទាញចង្កឹះលេខទៅអក្សរ “D” ដើម្បីឲ្យរថយន្តមាននិចលភាពទៅមុខបន្តិច

9. ដាក់លេខទៅមុខ ឬទៅក្រោយរហូតទាល់តែមានសម្លេងបញ្ជាក់ប្រាប់ថាការចូលចតត្រូវបញ្ចប់។ សូមធ្វើការរង់ចាំរហូតដល់មានការបង្ហាញរូបភាពនៅលើអេក្រង់ បញ្ជាក់ពីការចូលចតត្រូវបានបញ្ចប់