Sabay ឧបត្ថម្ភក្រុមបង្កើតក្តារចុចខ្មែរឆ្លាតវៃ បន្តបង្កើតសមិទ្ធផលជួយសង្គម
- 2015-01-21 17:23:54
- ចំនួនមតិ 0 | ចំនួនចែករំលែក 0
Sabay ឧបត្ថម្ភក្រុមបង្កើតក្តារចុចខ្មែរឆ្លាតវៃ បន្តបង្កើតសមិទ្ធផលជួយសង្គម
ចន្លោះមិនឃើញ
Sabay បានឧបត្ថម្ភដល់ក្រុមការងារបង្កើតក្តារចុចខ្មែរឆ្លាតវៃរបស់លោកគ្រុយ វណ្ណា បន្ទាប់ពីមើលឃើញក្រុមនេះបានបង្កើតក្តារចុចឆ្លាតវៃនៅលើទូរសព្ទនិងមានការខ្វះខាតក្នុងការបំពេញការងារ។
កញ្ញា ជា ចរិយា Brand Manager នៃក្រុមហ៊ុន Sabay បានឲ្យដឹងថា Sabay តែងតែគាំទ្ររាល់ការបង្កើតស្នាដៃរបស់យុវជនខ្មែរ ដែលមានប្រយោជន៍ជួយដល់សង្គម។ ជាក់ស្តែងការបង្កើតក្តារចុចឆ្លាតវៃរបស់ក្រុមលោកគ្រុយ វណ្ណា បានជួយសង្គមជាច្រើន ធ្វើឲ្យ Sabay រីករាយក្នុងការឧបត្ថម្ភជួយសម្រួលដល់ការបំពេញការងាររបស់លោកឲ្យកាន់តែប្រសើរ ដើម្បីធ្វើឲ្យលោកអាចបន្តបង្កើតស្នាដៃថ្មីៗបន្ថែមទៀតសម្រាប់បម្រើប្រយោជន៍ដល់សង្គមជាតិ។
ជាការឆ្លើយតប លោក គ្រុយ វណ្ណា បានសំដែងក្តីរីករាយសម្រាប់ការឧបត្ថម្ភរបស់ Sabay ក្នុងការគាំទ្រការបង្កើតស្នាដៃរបស់ក្រុមលោកនេះ។ លោកថា ការឧបត្ថម្ភនេះបានផ្តល់កម្លាំងចិត្ត និងដែលបានរួមចំណែកឲ្យក្រុមលោកអាចបន្តបំពេញការងារកាន់តែប្រសើរថែមទៀត។
លោក គ្រុយ វណ្ណា និស្សិតខ្មែររៀននៅប្រទេសជប៉ុនបានបង្កើតក្ដារចុចឆ្លាតវៃ ដែលបានដាក់ឲ្យប្រើប្រាស់នៅលើ iOS 8 កន្លងទៅ ដែលធ្វើឲ្យការវាយអក្សរខ្មែរកាន់តែលឿននិងងាយស្រួល។ ក្រោយពេលទទួលបានជោគជ័យ និងគាំទ្រពីប្រិយមិត្ត លោកកំពុងធ្វើគម្រោងអភិវឌ្ឍន៍ក្តារចុចឆ្លាតវៃនេះនៅលើ Android បន្តទៀត ហើយដែលគ្រោងបញ្ចប់និងដាក់ឲ្យដំណើរការក្នុងពេលឆាប់ៗនេះ។
ប្រិយមិត្តអាចទំនាក់ទំនងលោកគ្រុយ វណ្ណា តាមលេខទូរសព្ទ ០១១ ៩៥៥ ៥៩៥ សម្រាប់ព័ត៌មាននិងការសាកសួរបន្ថែម៕
អត្ថបទ៖ ដារ៉ាឆានី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
