អ្នកសិល្បៈផ្ញើសារ រំលែកទុក្ខមរណភាពកូនប្រុសអធិរាជសំឡេង មាស ស៊ីន ស៊ីសាមុត

2015-01-21 23:02:51
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទទួលបានដំណឹងស្ដីពីមរណភាព លោក ស៊ីន ច័ន្ទឆាយា ប្រធានសមាគម ស៊ីន ស៊ីសាមុត ដែលត្រូវជាកូនប្រុសបង្កើតអធិរាជសំឡេងមាស ស៊ីន ស៊ីសាមុត ភ្លាមសិល្បករសិល្បៈការិនីជាច្រើនបានសម្ដែងអារម្មណ៍ក្ដុកក្ដួលជាខ្លាំង និង ចូលរួមរំលែកទុក្ខដល់ក្រុមគ្រួសារនៃសព។

ក្រោយពីទទួលបានដំណឹងភ្លាម លោក សួស សងវាចា លោក ណយ វ៉ាន់ណេត លោក ចាន់ សម័យ លោក គួច ខេវិន បានផ្ញើសាររំលែកទុក្ខតាមរយៈគេហទំព័រ Sabay និង ស្នើឲ្យសិល្បករ-សិល្បៈការិនីផ្សេងទៀត មេត្តាចូលរួមបុណ្យសព របស់ លោក ស៊ីន ច័ន្ទឆាយា ឲ្យបានច្រើន។

http://youtu.be/9JjD7LaaUNc

រាប់ពីឆ្វេងទៅស្ដាំ លោក ចាន់ សម័យ, ណូយ វ៉ាន់ណេត, សួស សងវាចា និង លោក គួច ខេវិន

លោក ស៊ីន ច័ន្ទឆាយា បានស្លាប់ក្នុងវ័យ ៥៧ ឆ្នាំ កាលពីម៉ោង ១១ ជាង ម្សិលមិញនេះ ដោយសារឧប្បត្តិហេតុរអិលដួលខ្លួនឯង នៅខាងមុខផ្ទះជួលទីតាំងសមាគមសព្វថ្ងៃ បន្ទាប់ពីលោកត្រឡប់មកពីទទួលទានកាហ្វេជាទម្លាប់។ លោក គឺជាកូនទី ២ របស់ អធិរាជសំឡេង មាស ស៊ីន ស៊ីសាមុត។

បច្ចុប្បន្ន សពរបស់ លោក ស៊ីន ច័ន្ទឆាយា កំពុងតម្កល់នៅទីតាំងសមាគម ស៊ីន ស៊ីសាមុត ក្នុងសង្កាត់ទឹកល្អក់ ៣ ខណ្ឌ ទួលគោក ៕

អត្ថបទ៖ ខុត សីហា