អូនតូចសុខចិត្តអត់ញ៉ាំ ដើម្បីទិញឆ្នោត យកប្រាក់ព្យាបាលឪពុក
- 2015-01-23 22:35:24
- ចំនួនមតិ 0 | ចំនួនចែករំលែក 0
អូនតូចសុខចិត្តអត់ញ៉ាំ ដើម្បីទិញឆ្នោត យកប្រាក់ព្យាបាលឪពុក
ចន្លោះមិនឃើញ
ក្មេងប្រុសអាយុប្រាំបីឆ្នាំម្នាក់ បានបំភ្លេចអាហារពេលព្រឹកជិតប្រាំខែមកហើយ ព្រោះត្រូវទុកប្រាក់ទិញឆ្នោតផ្សងសំណាង ដោយសង្ឃឹមថាអាចឈ្នះរង្វាន់ធំដើម្បីយកប្រាក់ទៅឲ្យឪពុករបស់ខ្លួនដែលកំពុងឈឺ។
កូនកតញ្ញូម្នាក់នោះឈ្មោះ Song Biyang រស់នៅខេត្ត Hubei ប្រទេសចិន។ លោកយាយរបស់ Song បាននិយាយថាគាត់បានឲ្យប្រាក់ទៅចៅ ២យាន់រាល់ថ្ងៃសម្រាប់អាហារពេលព្រឹក ប៉ុន្តែជំនួសឲ្យការចំណាយលើអាហារ Song បានញ៉ាំទឹកឲ្យបានពេញពោះ ព្រោះត្រូវទុកប្រាក់ទិញឆ្នោតផ្សងសំណាង ក្រែងបានឈ្នះរង្វាន់ធំយកប្រាក់ទៅព្យាបាលឪពុកដែលត្រូវការផ្លាស់ក្រលៀនថ្មី ។ នៅពេលឪពុក Song ដឹងថាថាកូនរបស់ខ្លួន សុខចិត្តពោះទទេដើម្បីទិញឆ្នោតសម្រាប់លោក លោកពិតជាភ្ញាក់ផ្អើលខ្លាំងណាស់ និងព្យាយាមបញ្ចុះបញ្ចូលកូនឲ្យបញ្ឈប់វា។
ឪពុករបស់ក្មេងតូចនេះត្រូវការប្រាក់ដើម្បីវះកាត់ចំនួន៤៨១៨៣ដុល្លារ មិនត្រឹមតែប៉ុណ្ណោះទេ ពេលលែងលះគ្នាជាមួយភរិយា លោកមិនទទួលបានប្រាក់សំណង ហើយឥឡូវនៅជំពាក់ប្រាក់គេថែមទៀតផង។ ឥឡូវនេះយាយរបស់ Song បានឲ្យប្រាក់៣យាន់រៀងរាល់ព្រឹក ដើម្បីឱ្យចៅប្រុសរបស់ខ្លួន អាចទុកលុយទិញឆ្នោតខ្លះ និងអាចបរិភោគចំណីខ្លះ៕
ចុចអាន៖ នារីពិការដៃជើង ប្រើច្រមុះលក់ផ្លែប៉ោមតាមអនឡាញទទួលជោគជ័យ
ប្រែសម្រួល៖ទ្រី រ៉ាវី ប្រភព៖shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
