ទាំង​រូបរាង​ស្លីម និង​ កម្មវិធី​សប្បាយ​ប្លែក​ថ្មី​ពី Samsung Galaxy A3, A5 និង A7 ដែល​បាន​សម្ពោធ​លក់​ជា​ផ្លូវ​ការ​កាល​ពី​ម្សិលមិញ។

លោក​ ជា សុជាតិ ​តំណាង​ឲ្យ​ក្រុម​ហ៊ុន​ Samsung បាន​ឱ្យ​ដឹង​ថា Samsung ដាក់​សម្ពោធ និង​ លក់​ជា​ផ្លូវ​ការ​នូវ​ទូរសព្ទ​ជំនាន់​ថ្មី Samsung Galaxy A ដែល​មាន​ 3 ម៉ូ​ដែល​គឺ  Galaxy A3, Galaxy A5 និង Galaxy A7។

លោក​បន្ត​ថា​ ដូច​អ្វី​ដែល​បាន​ប្ដេជ្ញា​ក្នុង​ការ​ស្វែង​រក​បច្ចេកវិជ្ជា​ច្នៃ​ប្រឌិតថ្មី ​ដើម្បី​បំពេញ​តម្រូវ​ការ​របស់​អ្នក​ប្រើប្រាស់​ដើម្បី​ធ្វើ​ឲ្យ​ជីវិត​កាន់​តែ​ប្រសើរ​នោះ Galaxy A  បាន លេច​ចេញ​ជា​រូបរាង ​និង ការ​រចនា​យ៉ាង​ផ្ចិតផ្ចង់​ឲ្យ​ស្រស់​ស្អាត និង តួ​លោហៈ​ដ៏​រឹងមាំ  រួម​ផ្សំ​អេក្រង់ super AMOLED  ច្បាស់​ឥត​ខ្ចោះ អម​កម្មវិធី Selfies ប្លែកៗ​ច្រើន​ម៉ូដ ដើម្បី​ផ្សា​ភ្ជាប់​ប្រិយមិត្ត​ប្រើ​ប្រាស់​​ទៅ​នឹង​សង្គម ស៊ីវិល័យ ជា​ពិសេស​មនុស្ស​ជំនាន់​ថ្មី​ដែល​ចូលចិត្ត​បង្ហាញ​ស្ទីល​កាលីប​ប្លែកៗ​របស់​ខ្លួន។

សម្រាប់ Galaxy ស៊េរី​ A ទាំង​ ៣  មាន​ទំហំ​អេក្រង់​និង កម្រាស់​ដូច​ជា Galaxy A3 = ៤.៥ អ៊ីញ កម្រាស់​ត្រឹម ៦.៧ មល តម្លៃ​ប្រហែល ៣២០ ដុល្លារ, A5 = ៥ អ៊ីញ កម្រាស់ ៦.៩ មល តម្លៃ ៣៧០​ ដុល្លារ និង A7= ៥.៥ អ៊ីញ  កម្រាស់ ៦.៣ មល តម្លៃ​ប្រហែល​ជាង​ ៥០០ ដុល្លារ។

http://youtu.be/BU8yJkDzDqE

អត្ថបទ៖ ដារ៉ាឆានី