និស្សិតខ្មែរចាប់ដៃនិស្សិតកូរ៉េបង្កើតរ៉ូបូតប្រជែងសមត្ថភាពគ្នា

2015-01-30 23:41:17
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតខ្មែរបានចាប់ដៃនិស្សិតមកពីប្រទេសកូរ៉េលើគម្រោងបង្កើតរ៉ូបូតរួមគ្នា ដើម្បីជាការបង្ហាញសមត្ថភាពនិងផ្លាស់ប្តូរចំណេះដឹងគ្នាសម្រាប់ជំរុញនិងការអភិវឌ្ឍវិស័យបច្ចេកវិទ្យារបស់និស្សិតទាំងពីរប្រទេស។

លោកព្រំ ពៅ ប្រធានមហាវិទ្យាល័យមេកានិកនៅវិទ្យាស្ថានជាតិពហុបច្ចេកទេសកម្ពុជា (NPIC) បានឲ្យដឹងថា នេះជាលើកដំបូងហើយដែលនិស្សិតមហាវិទ្យាល័យមេកានិកនៃវិទ្យាស្ថានជាតិពហុបច្ចេកទេសកម្ពុជា បានសហការជាមួយនិស្សិតសាកលវិទ្យាល័យបច្ចេកវិទ្យាកូរ៉េសហការគ្នាបង្កើតគម្រោងបង្កើតរ៉ូបូតរួមគ្នា ដើម្បីផ្លាស់ប្ដូរបទពិសោធន៍ ចំណេះដឹងដើម្បីជំរុញការអភិវឌ្ឍវិស័យបច្ចេកវិទ្យារបស់និស្សិតប្រទេសទាំងពីរ។

លោកថា ការសហការគ្នានេះ បានធ្វើឲ្យនិស្សិតកម្ពុជាអាចទទួលបានចំណេះដឹងថ្មីៗ និងអាចសិក្សាស្វែងយល់ពីការអភិវឌ្ឍបច្ចេកវិទ្យារបស់និស្សិតកូរ៉េ ដើម្បីឈានទៅរកការអភិវឌ្ឍនាពេលអនាគត។

http://youtu.be/GTuiz0HZVlc

និស្សិត ឃឿន សុជារិទ្ធ និស្សិតសិក្សាឆ្នាំទីបួនផ្នែកមេកានិកប្រាប់ថា លោកមានការចាប់អារម្មណ៍ជាខ្លាំង ដែលបានសហការជាមួយនិស្សិតកូរ៉េលើការបង្កើតរ៉ូបូត។

និស្សិតរូបនេះបញ្ជាក់ថា តាមរយៈការធ្វើការជាមួយគ្នានេះ ធ្វើឲ្យលោកអាចទទួលបានចំណេះដឹងថ្មីៗ និងអាចស្វែងយល់ពីភាពជឿនលឿននៃបច្ចេកវិទ្យារបស់និស្សិតកូរ៉េ ដើម្បីយកទៅអភិវឌ្ឍសមត្ថភាពនៅថ្ងៃខាងមុខកាន់តែប្រសើរឡើង។

អត្ថបទ៖ ប៊ុណ្ណារ៉ា