នៅ​ក្នុង​ព្រឹត្តិការណ៍​ Mobile World Congress (MWC)​ កាល​ពី​យប់​មិញ ​ក្រុមហ៊ុន​ Huawei របស់​ចិន​ ​បាន​ប្រកាស​​​នាឡិកា Smartwatch ដំបូង​បំផុត​របស់​ខ្លួន​ដែល​ដំណើរ​ការ​ដោយ​  Android ​មាន​ឈ្មោះ​ថា​ ​Huawei Watch​។

​​Huawei Watch ​មាន​អេក្រង់​ទំហំ​ ១,៤ អ៊ីញ ​AMOLED ​​ ​ប្រភេទ​ Sapphire Crystal ដែល​មាន​សមត្ថ​ភាព​​​ការ​ពារ​ពី​ការ​ឆ្កូត​​។ ផ្ទៃ​អេក្រង់​រាង​មូល​សម្រស់​ស្អាត​​ មាន​​​កម្រិត​​​ Resolution 400 x 400 ​Pixel​​។ ​​បន្ថែម​ទៅ​ទៀត​នោះ ​Huawei Watch​​ ​បំពាក់​ដោយ​​ CPU​ ប្រភេទ​ Qualcomm Snapdragon , RAM ទំហំ 512MB  និង​មាន​ម៉េមូរី​ទំហំ 4GB ។ ​ដូច​ទៅ​នឹង​ Smartwatch ដទៃ​ទៀត​ដែរ Huawei Watch ​​ភ្ជាប់​មក​ជា​មួយ​នឹង​​​​​ប្រព័ន្ធ​ Sensor ​ដើម្បី​តាម​ដាន​ពី​​ចង្វាក់​បេះ​ដូង​​ សុខភាព ព្យាករណ៍​អាកាសធាតុ ​និង​បំពាក់​ដោយ​មុខ​ងារ​ជា​ច្រើន​​ទៀត​។ ​Huawei Watch គឺ​មាន​បី​ពណ៌​ គឺ ពណ៌​មាស ពណ៌ប្រាក់​ និង ពណ៌ខ្មៅ៕

អាន​បន្ត៖ Galaxy S6 និង S6 Edge ប្រកាស​​​យប់​មិញ រាង​ស្តើង​ជាង​ iPhone 6/6 Plus ទៀត​

ប្រែ​សម្រួល​៖ សំនៀង​ ប្រភព៖ android