Girls' Generation បន្តកុងត្រាជាមួយផលិតកម្ម SM ទាំងអស់គ្នា

2014-09-15 22:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកទាំង ៩រូប របស់ក្រុមចម្រៀងនារីកូរ៉េ Gilrs' Generation បានសម្រេចបន្តកុងត្រាជាមួយផលិតកម្ម SM Entertainment ជាបន្ត ខណៈកុងត្រាចាស់របស់ពួកគេជិតផុតកំណត់។

ចាប់តាំងពីពួកគេចូលក្រុមដំបូងកាលពីឆ្នាំ២០០៧ សមាជិកក្រុមទាំងអស់បានចុះកុងត្រារយៈពេល ៧ឆ្នាំជាមួយផលិតកម្ម SM។ យ៉ាងណា ឥលូវនេះគេបានដឹងថាសមាជិកទាំង ៩បានបន្តកុងត្រារបស់ពួកគេរួចរាល់ហើយកាលពីខែមុន មុននឹងកុងត្រាចាស់របស់ពួកគេផុតកំណត់។

ផលិតកម្ម SM Entertainment និងតារាចម្រៀងទាំង ៩រូបបានព្រមព្រៀងគ្នាលើគ្រប់ចំណុចនៃកុងត្រាថ្មីនេះ។ ខុសពីកុងត្រាចាស់របស់ពួកគេដែលមានលក្ខខណ្ឌតឹងរ៉ឹងដូចគ្នា លើកនេះខាងផលិតកម្មបានធ្វើការសម្របសម្រួលលក្ខខណ្ឌទៅតាមតម្រូវការរបស់សមាជិកនីមួយៗ ហើយក្នុងអំឡុងពេល ៣ឆ្នាំខាងមុខ សមាជិកទាំង ៩នឹងបន្តការងារជាមួយគ្នាជាធម្មតា។

ប្រភពផ្ទៃក្នុងមួយបាននិយាយថា "សមាជិកក្រុម Girls' Generation ទាំងអស់បានចុះកុងត្រាថ្មីរួចរាល់ហើយ។ វាជារឿងសំខាន់ដែលតារាចម្រៀង និងខាងផលិតកម្មត្រូវរក្សារឿងកុងត្រានេះជាការសម្ងាត់។ ម្ល៉ោះហើយបានជាសមាជិកទាំងអស់មិនដែលនិយាយពីរឿងកុងត្រាជាសាធាណៈនោះទេ គឺតែងតែបន្តការងាររបស់ពួកគេជាធម្មតា"។ សម្រាប់ឆ្នាំ២០១៤នេះ Girls' Generation បានចេញអាល់ប៊ុមរួមគ្នាមួយគឺអាល់ប៊ុម "Mr.Mr.” កាលពីចុងខែកុម្ភៈកន្លងទៅ ហើយនៅថ្ងៃទី១៦ ខែកញ្ញា សមាជិក៣រូបរបស់ Girls' Generation រួមមាន Taeyeon, Tiffany, និង Seohyun ដែលបានបង្កើតជាក្រុម TaeTiSeo នឹងត្រលប់ចេញអាល់ប៊ុមថ្មីរបស់ខ្លួន។

វីដេអូផ្សព្វផ្សាយបទថ្មី "Roller” របស់ក្រុម TaeTiSeo៖

http://youtu.be/WALpTrWpxzM

ប្រែសម្រួល៖ វ៉ាន់ថន ប្រភព៖ allkpop