Apple Watch មិនទាន់ចេញលក់ផង ឈ្នះពានមួយបាត់

2015-03-05 21:04:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple Watch មិនទាន់ចេញលក់នៅលើទីផ្សារផង ឥឡូវនេះបានឈ្នះពានរង្វាន់មួយរួចទៅហើយ គឺពាន 2015 iF Gold Design Award។

នៅក្នុងវេទិកាអន្តរជាតិ iF International Forum Design ដែលជាវេទិកាប្រកួតប្រជែងផ្នែករចនាផលិតផល ប្រព្រឹត្តនៅក្នុងទីក្រុង Munich ក្នុងប្រទេសអាល្លឺម៉ង់ Smart watch មួយនេះបានឈ្នះពានរង្វាន់ iF Product Design Award ផ្នែករចនាល្អបំផុត ក្នុងចំណោមផលិតផល ២០០០ មកពីបណ្ដារប្រទេស ៣៧។

iF Product Design Award ត្រូវបានបង្កើតឡើងក្នុងឆ្នាំ ១៩៥៤ ហើយត្រូវបានធ្វើឡើងជារៀងរាល់ឆ្នាំ ហើយមិនត្រឹមតែប៉ុណ្ណោះ iF gold award មួយនេះ ក៏ត្រូវបានស្គាល់ថាជាពានរង្វាន់ "Design Oscar" ផងដែរ។

យោងតាម iF បានឲ្យដឹងថាការវាយតម្លៃទៅលើផលិតផលនីមួយៗ ផ្អែកទៅលើកត្តារសំខាន់ៗមួយចំនួនដែលរួមមាន៖ គុណភាពក្នុងការរចនា, ទឹកដៃក្នុងផលិត, ជម្រើសនៃវត្ថុធាតុដើម, កម្រិតនៃការបង្កើតថ្មី, ផលប៉ះពាល់បរិស្ថាន, មុខងារ, វិទ្យាសាស្រ្ត, តម្លៃម៉ាក, សុវត្ថិភាពក្នុងការប្រើប្រាស់ និង ការរចនាជាសកល។

ក្រុមហ៊ុន Apple គ្រោងនឹងចាប់ផ្ដើមដាក់លក់ផលិផល Apple Watch នៅក្នុងខែមេសា ហើយខ្លូននឹងបញ្ជាក់លម្អិតពីផលិតផលមួយនេះនៅក្នុងព្រឹត្តិការណ៍ក្នុងថ្ងៃទី៩ ខែមិនាខាងមុខនេះ៕