វិធីសាស្ត្រ ដើម្បីបំភ្លេចមនុស្សម្នាក់ ចេញពីបេះដូង
- 2015-03-15 18:32:47
- ចំនួនមតិ 0 | ចំនួនចែករំលែក 0
វិធីសាស្ត្រ ដើម្បីបំភ្លេចមនុស្សម្នាក់ ចេញពីបេះដូង
ចន្លោះមិនឃើញ
ស្នេហា មិនមែនមនុស្សគ្រប់គ្នា តែងតែទទួលបានភាពជោគជ័យ ឬអាចរស់នៅជាមួយនឹងមនុស្ស ដែលខ្លួនស្រលាញ់រហូតនោះទេ។ ប៉ុន្តែសម្រាប់អ្នកតស៊ូជាមួយគ្នា និងពុំសូវមានឧបសគ្គក្នុងជីវិត ប្រហែលជាអាចទទួលបានស្នេហាមួយជោគជ័យ។ ផ្ទុយទៅវិញ មានមនុស្សមិនតិចទេ ដែលជួបក្ដីខកបំណងក្នុងរឿងស្នេហានេះ។
ឧទាហរណ៍៖ អ្នកខ្លះស្រលាញ់គ្នាខ្លាំងណាស់កាលនៅវ័យសិក្សា ប៉ុន្តែទន្ទឹមនឹងការស្រលាញ់កំពុងតែខ្លាំងឡើងៗនោះ ស្រាប់តែថ្ងៃមួយគូស្នេហ៍ប្រាប់ថា គេជិតរៀបការហើយ ព្រោះម្ដាយជាអ្នករៀបចំ។ អ្នកខ្លះទៀត ស្រលាញ់គ្នារាប់ឆ្នាំ ប៉ុន្តែបានត្រឹមតែសង្សារ ព្រោះតែជីវភាពគ្រួសារ ខ្សត់ខ្សោយត្រូវខិតខំរកលុយ ប៉ុន្តែចុងក្រោយគេរៀបការជាមួយ អ្នកមានបាត់។ យ៉ាងណាមិញ រឿងវិបត្តិស្នេហាមានច្រើនណាស់មិនអាចរៀបរាប់អស់ទេ មានទាំងការផិតក្បត់ សារភាពស្នេហ៍តែគេមិនស្រលាញ់ -ល-។
ដូច្នេះដើម្បីបំភ្លេចមនុស្សម្នាក់ ដែលចាកចោលអ្នក ចេញពីបេះដូងបាន តើមានវិធីសាស្ត្រអ្វីខ្លះ? Sabay សូមលើកយកនូវចំណុចសំខាន់ៗមួយចំនួន ដូចខាងក្រោម៖
១. ឈប់ជួបមុខគេ៖ អ្នកមិនអាចបំភ្លេចគេបានទេ បើអ្នកនៅតែជួប និងឃើញពីសកម្មភាព ឬទង្វើរបស់គេទៀត។
២. លុបអ្វីៗរបស់គេ ចេញពីទូរសព្ទដៃ ឬកុំព្យូទ័រទាំងអស់៖ អ្នកត្រូវតែលុបលេខទូរសព្ទ និង E-mailលុបរូបថត និង Block គេនៅលើ Facebook, Twitter, Instagram និងអ្វីផ្សេងៗទៀត ទាក់ទងនឹងគ្រឿងអេឡិចត្រូនិក។
៣. ប្រាប់ដល់មិត្តភ័ក្ដិអ្នក ឲ្យឈប់រំឭកពីគេ៖ ប្រាប់ដល់មិត្តភ័ក្ដិរបស់អ្នក ដែលធ្លាប់ស្គាល់គេ ឬដឹងរឿងរ៉ាវពីគេនោះ ឈប់និយាយពីគេទៀត ព្រោះបើអ្នកលឺឈ្មោះរបស់គេ អ្នកនឹងអាចនឹកដល់គេវិញ។
៤. បោះចោលវត្ថុអនុស្សាវរីយ៍ទាំងអស់៖ រាល់វត្ថុអនុស្សាវរីយ៍ ដែលគេធ្លាប់ជូន អ្នកត្រូវតែបោះចោល ព្រោះបើអ្នកទុក អ្នកឃើញវា អ្នកនឹងនៅតែឈឺចាប់។
៥. កុំចង់បញ្ឈឺគេវិញ៖ អ្នកមិនអាចចង់ធ្វើគេប្រច័ណ្ឌនឹងអ្នក ដោយអ្នកយកអ្នកផ្សេងទៅបញ្ឈឺមុខគេ នោះទេ ព្រោះបើអ្នកធ្វើដូចនោះ មានន័យថាអ្នកនៅតែស្រលាញ់គេ និងមិនអាចបំភ្លេចគេដដែល។
៦. ធ្វើខ្លួនឲ្យរវល់៖ អ្នកអាចយកពេលវេលាទៅសិក្សា ឬទៅធ្វើការងារនានា ដើម្បីកុំឲ្យទំនេរនឹកដល់គេ ព្រោះបើអ្នករវល់ យ៉ាងហោចណាស់ ក៏ជួយកាត់បន្ថយការនឹកបានខ្លះៗ។
៧. កុំស្ដាប់ចម្រៀង ឬមើលរឿងមនោសញ្ចេតនា៖ ព្រោះតែគេ គឺជាតួឯករបស់អ្នក នៅពេលដែលអ្នកស្ដាប់ចម្រៀង ឬមើលរឿងមនោសញ្ចេតនា អ្នកនឹងនឹកដល់គេមុនគេ ដូច្នេះអ្នកត្រូវតែជៀសវាង។ ៨. ផ្ដល់តម្លៃដល់ខ្លួនឯង៖ អ្នកត្រូវតែមើលថែខ្លួនឯងឲ្យបានល្អ ព្យាយាមសិក្សា និងខិតខំធ្វើការបន្ត ដើម្បីអនាគតរបស់អ្នកបន្តទៀត។
៩. នាំយកការសប្បាយមកវិញ៖ អ្នកត្រូវតែបង្កើតសកម្មភាពរីករាយឡើងវិញ ដើម្បីឲ្យខ្លួនឯងមានស្នាមញញឹមជាថ្មី។ ឧទាហរណ៍ដូចជា៖ ធ្វើអ្វីដែលអ្នកចូលចិត្ត លេងសី លេងបាល់ទាត់ ថតរូប រត់ហាត់ប្រាណ ញ៉ាំអាហារឆ្ងាញ់ៗ ជួបជុំគ្រួសារ ឬមិត្តភ័ក្ដិ -ល-។
១០. អធ្យាស្រ័យ៖ ចំណុចចុងក្រោយនេះសំខាន់ណាស់ ទោះបីជាគេធ្វើឲ្យអ្នកឈឺចាប់ប៉ុណ្ណា គេធ្លាប់ក្បត់អ្នក គេចាកចោលអ្នកឲ្យនៅកំព្រាឯកា ប៉ុន្តែត្រូវចាំថាមានតែការអធ្យាស្រ័យមួយទេ ទើបជាវិធីល្អ ដើម្បីឲ្យអ្នកបំភ្លេចគេបានស្ងប់។ បើអ្នកអាចអធ្យាស្រ័យដល់គេបាន អ្នកនឹងរីករាយ៕
ចុះប្រិយមិត្តយល់ស្របតាមចំណុចខាងលើ ឬក៏មានអ្វីចង់បន្ថែមទៀតទេ?
ដោយ៖ វិន ជីវ័ន្ត ប្រភព៖ WikiHow
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
