Teen Top មានស្នេហាត្រីកោណក្នុងបទថ្មី "Missing”

2014-09-15 23:36:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមតារាចម្រៀងកូរ៉េ Teen Top ដែលស្ងប់ស្ងាត់មួយរយៈនោះ ឥឡូវបានត្រឡប់មកវិញហើយ ជាមួយបទចម្រៀងរំជួលចិត្តនៃស្នេហាត្រីកោណមួយបទ ក្នុងអាល់ប៊ុមថ្មី "Exito" គឺបទ "Missing" កាលពីម្សិលមិញនេះ ។

បទ "Missing” ដែលច្រៀងដោយ ក្រុមចម្រៀងបុរសសង្ហាកូរ៉េ ៦រូប ក្នុងអត្ថន័យបង្ហាញពី ភាពសោកសៅស្នេហាត្រីកោណរបស់បុរសពីរនាក់ ដែលសម្ដែងដោយសមាជិកក្នុងក្រុម L.Joe និង C.A.P បានស្រឡាញ់ស្រីតែម្នាក់ក្នុងពេលតែមួយ ។ ទាំងក្បាច់រាំ និងការបញ្ចូលអារម្មណ៍ក្នុងបទចម្រៀង ពិតជារំជួលចិត្ត និងរឹតតែប្លែក មិនធ្វើឲ្យអ្នកគាំទ្ររបស់ពួកគេខកបំណងឡើយ។

អាល់ប៊ុមថ្មី "Exito” ជាភាសាអេស៉្បាញ ដែលប្រែថា "ភាពជោគជ័យ" នេះបានចេញលក់លើទីផ្សារហើយ មានទាំងអស់ ៦បទ ក្នុងនោះដែរ បទ "Missing” ជាបទលេចធ្លោខ្លាំង ជាស្នាដៃនិពន្ធដោយ អ្នកចម្រៀងរ៉េប និងជាអ្នកនិពន្ធបទចម្រៀងល្បីឈ្មោះ Brave Brothers។

ទស្សនាវីដេអូចម្រៀងបទ "Missing” ទាំងអស់គ្នា ខាងក្រោម៖

http://youtu.be/SRGSqcBEOv4

ប្រិយមិត្តចូលចិត្តបទថ្មី របស់ Teen Top ខាងលើដែរទេ?

ប្រែសម្រួល៖ វាចារ ប្រភព៖ dkpopnews