វិធីសាមញ្ញបំផុតជួយក្មេងៗពេលស្លាក់របស់អ្វីមួយ

2015-03-28 16:50:14
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្វាមីភរិយាដែលទើបតែសាងគ្រួសាររួមគ្នាពិតណាស់គឺមិនទាន់អាចដឹងពីរបៀបមើលថែរក្សាកូនងាឱ្យបានល្អឥតខ្ចោះនោះទេ ពោលគឺតែងតែមានចំណុចខ្លះប្រហែលជាពួកគេមិនទាន់បានដឹងឡើយ។ តួយ៉ាងពេលទើបតែមានបុត្រដំបូង គូស្នេហ៍ថ្មីថ្មោងតែងតែសួរនាំចាស់ៗអំពីរបៀបថែរក្សាក្មេង ថាតើត្រូវធ្វើម៉េចខ្លះពេលវាយំនិងធ្វើយ៉ាងណាដើម្បីឱ្យកូនជាទីស្រលាញ់របស់ខ្លួនមានសុខភាពល្អ។

ទន្ទឹមនឹងរឿងខាងលើនេះដែរ ថ្ងៃនេះ Sabay សូមលើកយកវិធីសាស្ត្រខ្លីមួយដែលអ្នកគ្រប់គ្នាគួរតែដឹងគឺរបៀបជួយសង្គ្រោះកូនងាពេលវាស្លាក់របស់អ្វីមួយ។

យោងទៅតាមលោក St John និង Andrew ជាអ្នកធ្វើការនៅកាកបាទក្រហមអង់គ្លេសបាននិយាយរៀបរាប់ថាបញ្ហាក្មេងស្លាក់គឺចៀសមិនផុតនោះទេ ហើយវិធីសាស្ត្រដែលល្អបំផុតសម្រាប់ជួយពួកគេនោះគឺត្រូវដាក់ទារកនោះនៅតាមបណ្ដោយភ្លៅរបស់អ្នក ដោយយកមុខរបស់វាអោនចុះក្រោម ហើយយកដៃមកវាយខ្នងទារកនោះថ្នមៗ មួយៗ។ ក្រុមអ្នកជំនាញទាំងពីរនាក់នេះបានបន្តទៀតថា ឪពុកម្ដាយទាំងអស់មិនត្រូវគោះខ្នងក្មេងខ្លាំងៗពេកនោះទេ ព្រោះប្រសិនបើវាឈឺខ្លាំងអាចបណ្ដាលឱ្យយំនិងស្ទះរន្ធខ្យល់ដកដង្ហើមអាចបណ្ដាលឱ្យក្មេងនោះស្លាប់បាន។

មួយវិញទៀត ប្រសិនបើយើងវាយខ្លាំងពេកក៏អាចបណ្ដាលឱ្យដាច់សរសៃប្រសាទអ្វីមួយដែលតភ្ជាប់ពីឆ្អឹងខ្នងរបស់ក្មេងទៅខួរក្បាលរបស់វាផងដែរ។ ការស្លាក់របស់ទារកនេះក៏ត្រូវហាមឪពុកម្ដាយដាច់ខាតមិនឱ្យទៅវាយទ្រូងរបស់ក្មេងៗនោះដែរ ព្រោះវាអាចបណ្ដាលឱ្យមានគ្រោះថ្នាក់ធ្ងន់ធ្ងរ។

ប្រែសម្រួល៖ មុន្នី រម្យ ប្រភព៖ fashionmg