ហេតុផល៥យ៉ាងធ្វើឲ្យអ្នករកសង្សារមិនបាន

2014-10-09 17:00:04
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកមានដឹងទេថាមូលហេតុអ្វីខ្លះបានជាធ្វើឲ្យអ្នកនៅតែជាមនុស្សរស់នៅឯកា រកគូសង្សារ ឬគូអនាគតមិនទាន់ឃើញ? សាកមើលហេតុផល៥យ៉ាងខាងក្រោមនេះតិចមើល៍ តើអ្នកមានចូលក្នុងចំណុចណាខ្លះអត់?

១. សេចក្ដីរំពឹងទុកខ្ពស់ពេក

ប្រសិនបើអ្នកគិតថាគូស្នេហ៍របស់អ្នកជាព្រះរាជបុត្រជិះសេះស អ្នកគួរតែគិតរឿងនេះសាជាថ្មីម្ដងទៀត។ សេចក្ដីរំពឹងទុកខ្ពស់ពេក បានត្រឹមតែនាំមកនូវភាពខកបំណងឲ្យអ្នកវិញតែប៉ុណ្ណោះ។

២. មិនចេះសម្របខ្លួន

អ្នកអាចលះបង់តិចតួចក្នុងបំណងដើម្បីថែរក្សាអនាគតដៃគូរបស់អ្នកឲ្យនៅតែរីករាយ។ អ្នកអាចកាត់បន្ថយ ឬឈប់ជក់បារី ប្រសិនបើអ្នកជាមនុស្សញៀនបារី អ្នកអាចរៀនចម្អិនម្ហូប បើអ្នកមិនចេះធ្វើម្ហូបអីជាដើម។

៣. ស្រលាញ់សេរីភាព

អ្នកស្រលាញ់សេរីភាពខ្លាំងពេក រហូតគិតចង់នៅទំនេរ ឬក៏អ្នកខ្លាចរអាមិនចង់មានគូដោយសារឃើញចំណងអាពាហ៍ពិពាហ៍ជាច្រើនមានភាពប្រេះឆា។

៤. ជាមនុស្សញៀននឹងការងារ

ហេតុផលមួយក្នុងចំណោមហេតុផលដទៃទៀតដែលធ្វើឲ្យអ្នកនៅតែជាមនុស្សឯកោ គឺអ្នកជាមនុស្សញៀននឹងការងារ។ អ្នកធ្វើការដល់ទៅ១២ម៉ោងក្នុងមួយថ្ងៃ ហើយសូម្បីតែថ្ងៃចុងសប្ដាហ៍ ក៏អ្នកនៅជាប់ជាមួយកុំព្យូទ័រអញ្ចឹង អាកប្បកិរិយាបែបនេះហើយដែលធ្វើឲ្យអ្នកនៅតែម្នាក់ឯង។

៥. អត់កែទម្លាប់អាក្រក់

បើអ្នកជាមនុស្សចូលចិត្តផឹកគ្រឿងស្រវឹងច្រើនពេក អាកប្បកិរិយាក្អេងក្អាង ឬមានមោទនភាពខ្ពស់ចំពោះខ្លួនឯង និងការកំណាញ់ ក៏ជាប្រភពធ្វើឲ្យអ្នកនៅជាមនុស្សឯកាផងដែរ។

ប្រែសម្រួល៖ទ្រី រ៉ាវី

ប្រភព៖ idiva