បច្ចេកវិទ្យាទំនើបៗក្នុងខ្សែភាពយន្តនឹងក្លាយជាការពិត?

2015-04-27 21:23:50
ចំនួនមតិ 0 | ចំនួនចែករំលែក 0

ចន្លោះមិនឃើញ

របស់ប្រើប្រាស់ប្រចាំថ្ងៃ មធ្យោបាយធ្វើដំណើរ និងសម្ភារៈជាច្រើនផ្សេងទៀត គឺសុទ្ធតែត្រូវបានផលិតឡើងដោយប្រើបច្ចេកវិទ្យាទំនើបៗ ដើម្បីកាត់បន្ថយភាពលំបាក និងបង្កើនភាពងាយស្រួលដល់អ្នកប្រើប្រាស់។ បច្ចេកវិទ្យាទំនើបៗសម្រាប់ធ្វើដំណើរ ដែលយើងបានឃើញនៅក្នុងខ្សែភាពយន្តទាំងប៉ុន្មាន អ្នកវិទ្យាសាស្ត្រមានជំនឿថា វានឹងក្លាយជាការពិតក្នុងរយៈពេលប្រមាណជា៨៥ឆ្នាំទៀត។

នាយកប្រតិបត្តិ និងជាសហស្ថាបនិករបស់គេហទំព័រ Search Engine ធំមួយរបស់អង់គ្លេស Skyscanner លោក Gareth William បាននិយាយថា ក្នុងរយៈពេល១៥ឆ្នាំទៀត បច្ចេកវិទ្យាសម្រាប់ការស្វែងរក និងកក់សំបុត្រយន្តហោះនឹងងាយស្រួល ដូចជាការទិញសៀវភៅលើ Amazon អញ្ចឹង ហើយលក្ខណៈនៃការធ្វើដំណើរនឹងមានភាពទំនើបដូចជាបច្ចេកវិទ្យាស្គែន (Biometric scanning) សម្រាប់ស្គែនមុខ ភ្នែក ឬ សំឡេងដើម្បី Check-In នៅពេលភ្លេចយក Passport មកជាដើម។

ចំណែកឯក្រុមហ៊ុនផលិតយន្តហោះ Airbus ជឿថា នៅឆ្នាំ២០៥០ យន្តហោះនឹងបំពាក់ដោយបង្អួចអាចមើលទេសភាពខាងក្រៅបានកម្រិត៣៦០ដឺក្រេហើយនៅផ្នែកខាងក្នុងយន្តហោះបំពាក់ដោយបច្ចេកវិទ្យាទំនើបៗសម្រាប់ផ្ដល់ភាពងាយស្រួលដល់អ្នកដំណើរ។ មិនត្រឹមតែប៉ុណ្ណោះ នៅឆ្នាំ២០៣០ សណ្ឋាគារទំនើបៗនឹងត្រូវបានសាងសង់នៅក្រោមទឹក ហើយនៅឆ្នាំ២១០០ កោះចល័តនឹងត្រូវបានបង្កើតសម្រាប់ដំណើរកម្សាន្តរបស់ភ្ញៀវទេសចរណ៍។

ក្រៅពីបច្ចេកវិទ្យាទាំងនេះក៏នៅមានបច្ចេកវិទ្យាទំនើបៗជាច្រើនផ្សេងទៀតនឹងត្រូវបានបង្កើតឡើងផងដែរ៕