ដឹងអ្វីខ្លះ ពីការប្រើប្រាស់ស៊ីផ្លេម៉ូតូ-ឡាន?
- 2015-05-08 16:25:17
- ចំនួនមតិ 0 | ចំនួនចែករំលែក 0
ដឹងអ្វីខ្លះ ពីការប្រើប្រាស់ស៊ីផ្លេម៉ូតូ-ឡាន?
ចន្លោះមិនឃើញ
ប្រហែល ជានៅមានប្រិយមិត្តជាច្រើនមិនទាន់ដឹងថា គួរប្រើស៊ីផ្លេពេលណា និងក្នុងកាលៈទេសៈណាឲ្យត្រូវតាមច្បាប់ឲ្យប្រាកដនោះទេ។ ជាការពិត ពេលខ្លះ អ្នកបើកបរប្រើប្រាស់សូរស័ព្ទ ឬប្រើប្រាស់ស៊ីផ្លេ អាចបង្កឲ្យប៉ះពាល់ដល់អារម្មណ៍អ្នកដទៃ។ តើគួរប្រើយ៉ាងម៉េចខ្លះទើបត្រូវតាមច្បាប់នោះ?
អ្វីដែលជាចំណុចសំខាន់បំផុតក្នុងវិធានប្រើប្រាស់សូរស័ព្ទ ស៊ីផ្លេ នោះគឺ អ្នកបើកបរអាចប្រើប្រាស់បានតែនៅពេលថ្ងៃប៉ុណ្ណោះ។ ការប្រើប្រាស់នេះ គឺដើម្បីឲ្យដំណឹងដល់អ្នកប្រើប្រាស់ផ្លូវដទៃទៀតដើម្បីជៀស វាង នូវគ្រោះថ្នាក់ចរាចរណ៍ជាយថាហេតុ។
មួយវិញទៀត នៅពេលសុំជែង អ្នកបើកអាចប្រើប្រាស់បានផងដែរ តែបានសម្រាប់តែនៅក្រៅទីប្រជុំជនប៉ុណ្ណោះ។ សូមចាំថា ការប្រើប្រាស់ស៊ីផ្លេ ត្រូវប្រើតែក្នុងរយៈពេលខ្លីបានហើយ គឺមិនជាយូរជាងការចាំបាច់ឡើយ។ ឧបមាថា នៅក្រៅទីប្រជុំជន អ្នកបើកបរចង់សុំជែង អ្នកបើកបរអាចប្រើសញ្ញាបន្លឺសំឡេងនេះមុនពេលជែង ហើយក្រោយពីជែងយានមួយទៀតបានហើយ អ្នកបញ្ជាយានត្រូវបញ្ឈប់បន្លឺសំឡេងស៊ីផ្លេ មិនត្រូវទុកយូរឡើយ។
សូមកុំភ្លេចថា ចាប់តាំងពីពេលថ្ងៃលិចរហូតដល់ថ្ងៃរះ អ្នកបើកបរមិនអាចបន្លឺសំឡេងស៊ីផ្លេបានទៀតទេ គឺត្រូវប្រើសញ្ញាភ្លើងកូតហ្វាឆ្លាស់គ្នាជំនួសឲ្យការប្រើស៊ីផ្លេ។ ការប្រើភ្លើងកូតហ្វាឆ្លាស់គ្នានេះ ក៏អាចប្រើជាសញ្ញាសុំជែងបានដែរ។
ដោយ ឡែក ចំពោះអ្នកបើកបរយានបម្រើការនគរបាល យោធា អាវុធហត្ថ ពន្លត់អគ្គិភ័យ យានសង្គ្រោះរបស់មន្ទីរពេទ្យដែលកំពុងបំពេញភារកិច្ច មានសិទ្ធិប្រើប្រាស់ សញ្ញាសូរស័ព្ទពិសេស (ស៊ីរ៉ែន) បានគ្រប់ពេលវេលា។ ការប្រើស៊ីផ្លេខ្យល់នៅក្នុងទីក្រុង ទីប្រជុំជន ឬនៅជិតមន្ទីរពេទ្យត្រូវបានហាមឃាត់ មិនឲ្យប្រើប្រាស់ជាដាច់ខាត។ នេះបើយោងតាមច្បាប់ចរាចរណ៍ជើងគោកឆ្នាំ២០០៧ មាត្រា២៩៕
អត្ថបទ៖Sabay
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
