ទ្រីមែន ក្លាយជាអ្នកនិពន្ធ និងដឹកនាំរឿងក្រោយឃើញមិត្តភក្ដិថតវីដេអូលេងក្នុងពិធីជប់លៀង

2015-06-12 17:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាក់ ជែនទ្រីមែន គឺជាឈ្មោះមេក្រុមរបស់ “High School Media” ដែលបានក្លាយខ្លួនជាអ្នកនិពន្ធនិងដឹកនាំរឿងវ័យក្មេងម្នាក់ ក្រោយឃើញមិត្តភ័ក្ដិថតវីដេអូលេងក្នុងពិធីជប់លៀង។

អ្នកដឹកនាំវ័យក្មេងរូបនេះបានប្រាប់ថា នៅថ្ងៃមួយនៅផ្ទះមិត្តម្នាក់មានពិធីជប់លៀង ហើយពេលនោះពួកគេបាននាំគ្នាថតវីដេអូសម្រាប់មើលលេងតែប៉ុណ្ណោះ។ បន្ទាប់ពីថតហើយយកមកមើលឡើងវិញក៏មានមិត្តភក្តិលោកម្នាក់ ផ្តើមគំនិតចេញមកថាហេតុអ្វីពួកយើងមិននាំគ្នាថតជាវីដេអូមួយទៅ។

ដោយមាននិស្ស័យស្រាប់ផង ពេលនោះ ទ្រីមែន បានយល់ស្រប ហើយពួកគេក៏បានសម្រេចគ្នាថាធ្វើមែន ដែលក្រោយមក ក៏ផលិតវីដេអូបានមួយដំបូងគេគឺរឿង "ចំណងស្នេហ៍យុវវ័យ"។ បន្តមកទៀត មានដូចជា "គំនុំផ្គុំស្នេហ៍" “Valentine's LOVE” និងរឿងចុងក្រោយ“ទឹកភ្នែកម្តាយ"។

រឿងទាំង៤នោះ ជាប្រភេទរឿងខ្លី និយាយពីស្នេហាយុវវ័យ និងទាក់ទងទៅនឹងការអប់រំផ្តើមចេញតាំងពី ទ្រីមែន រៀននៅថ្នាក់ទី១២មកម្ល៉េះ។ សាមីខ្លួនផ្ទាល់បញ្ជាក់ថា មិនបានទៅរៀននៅសាលាជំនាញណាមួយនោះទេ។

ទ្រីមែន បន្តថា "ចំពោះរឿងនីមួយៗត្រូវប្រើរយៈពេលយូរដែរបងប្រហែលជា៣ខែក្នុងការសម្ដែងរកទីតាំងណាមួយដែលសមស្របហើយនៅយកមកកាត់តដោយខ្លួនឯង។ ម្យ៉ាងទៀតពួកយើងចុះថតពេលដែលទំនេរពីការសិក្សាតែប៉ុណ្ណោះ។

រូបភាព៖ ផ្ដល់ដោយ ទ្រីមែន

តួសម្ដែងទាំងអស់សុទ្ធតែមានវ័យក្មេងៗ មានដូចជា ជៀន ដារ៉ូ អ៊ុន សុមនា អ៊ុន ដាលី អៀង លីនដា សុភី ដូលា ហាក់ ពេជ្រម៉ូលីតា យួង គីមឡេង សានិត បញ្ញា ។ ទ្រីមែន ប្រាប់ថា នៅពេលវីដេអូរឿងខ្លីៗរបស់លោក បានបង្ហោះនៅលើប្រព័ន្ធយូធូប និងបណ្ដាញសង្គមហ្វ៊េសប៊ុក មានមិត្តភក្ដិជាច្រើនបានពោលសរសើរ ថាមានគំនិតក្នុងការបង្កើតរឿងខ្លីៗហើយមានលក្ខណៈសប្បាយៗទៀត។

“អូបង ពេលដែលវីដេអូរបស់ខ្ញុំបានផុសនៅលើប្រព័ន្ធយូធូបមានទាំងអ្នកសរសើរមានទាំងថាឲ្យនិងរិះគន់ផងដែរប៉ុន្តែក្នុងនោះការសរសើរមានច្រើនជាងការបង្អាប់អ្នកខ្លះថាធ្វើវីដេអូដូចឡប់ក៏ត្រដរធ្វើដែរអីចឹងៗណាបង"។ ទ្រីមែន ថ្លែង។

បើទោះជាបែបនេះក្ដី ប៉ុន្តែអ្នកនិពន្ធ នឹងដឹកនាំរឿងវ័យ ២៤ឆ្នាំ រូបនេះ បញ្ជាក់ថា មិនអាចបង្អាក់ទឹកចិត្តរបស់ខ្លួនបានឡើយ។ "ខ្ញុំដឹងថាការធ្វើវីដេអូរបស់ខ្ញុំនៅមានកម្រិតប៉ុន្តែវាជាអ្វីដែលជាចូលចិត្តហើយខ្ញុំនឹងខិតខំបន្ថែមទៀតហើយក៏នឹងមិនបោះបង់ចោលទេ"។

រឿងខ្លីមួយរបស់ ជែកទ្រីមែន រឿង "គំនុំផ្គុំស្នេហ៍"

ដោយមានការទទួលស្គាល់ស្នាដៃនៃការធ្វើវីដេអូរបស់ក្រុម “High School Media"មានអ្នកគាំទ្រមួយចំនួនបានអញ្ជើញពួកគេទៅថតជាលក្ខណៈ Pre-Wedding ទៀតផង។ ជែនទ្រីមែន មានអាយុ២២ឆ្នាំជាកូនទី១ក្នុងចំណោមបងប្អូន៥នាក់។ បច្ចុប្បន្នក្រៅពីការងារនិពន្ធ និងដឹកនាំរឿង លោកកំពុងសិក្សាឆ្នាំទី៤ខាងអក្សរសាស្ត្រភាសាកូរ៉េនៅសាកលវិទ្យាល័យភូមិន្ទភ្នំពេញថែមទៀតផង៕

អត្ថបទ ៖ ថា ម៉ាលីដា

ពាក្យទាក់ទង

ជុំវិញតារាជាតិ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

តស់...រដូវបុណ្យកាន់បិណ្ឌ និងភ្ជុំបិណ្ឌជិតមកដល់ហើយ! ទិញកូកា-កូឡា នឹងបង្កើតផ្សារមិនអស់លុយ

ទំនិញមានប្រភពដើមពីប្រទេសថៃចំនួន ២មុខ មិនត្រូវបានអនុញ្ញាតនាំចូលកម្ពុជាដាច់ខាត!

សណ្ឋាគារសោមារីវើសាយដ៍ បើកសម្ពោធជាផ្លូវការនៅតាមបណ្តោយមាត់ទន្លេក្រុងភ្នំេពញ

ឱកាសធ្វើជា ឆ្មាំគុក បានមកដល់ហើយ! ក្រសួងមហាផ្ទៃ ប្រកាសជ្រើសរើសមន្រ្តីពន្ធនាគារ ៣០០ នាក់

ធ្លាប់មានក្តីស្រម៉ៃ ចង់ធ្វើជានារីអូតែស ទេ? មកដឹងពីប្រាក់ខែ ទទួលបាន ក្នងក្រុមហ៊ុនអាកាសចរ នៅកម្ពុជា

Airbus A380 ស្តេចមេឃា បញ្ចេញឬទ្ធិ លើដែនអាកាសា ផ្អើ់លអស់ អារុក្ខអារក្សអ្នកតា ពេលចុះចត