ក្រុម​បាល់ទាត់​អេស្ប៉ាញ Velencia បាន​ប្រកាស​តែងតាំង​ Phil Neville ធ្វើជា​ជំនួយ​ការ​គ្រូ​បង្វឹក​ក្រុម​ឈុត​ធំ​ លោក Nuno Espirito Santo។ អតីត​កីឡាករ​ Manchester United និង Everton រូប​នេះ ធ្លាប់​ធ្វើ​ជំនួយ​ការ​គ្រូ​បង្វឹក​នៅ Old Trafford ជំនាន់​អ្នក​ចាត់ការ David Moyes និង​អ្នក​ចាត់ការ​ស្ដី​ទី Ryan Giggs។

លោក Nuno បាន​និយាយ​ក្រោយ​ការ​តែងតាំង Neville ថា៖ "Phil Neville មាន​បទពិសោធន៍​ដ៏​អស្ចារ្យ​នៅ​ក្នុង​ការ​ប្រកួត​កម្រិត​កំពូល ហើយ​អ្វី​ដែល​លើស​ពី​នេះ​ទៀត​នោះ គឺ​គាត់​មាន​ចំណេះដឹង និង​តម្លៃ​ដូច​អ្វី​ដែល​ក្លិប​របស់​យើង​ចង់​បាន។ ខ្ញុំ​ជឿជាក់​ថា​គាត់​នឹង​ជួយ​យើង​បាន​ច្រើន"។

Phil Neville ជា​អតីត​ខ្សែ​ការពារ​ដែល​ធ្លាប់​លេង​បាន​ជាង​៦៨០ប្រកួត​អំឡុង​ពេល​១៩ឆ្នាំ​ក្នុង​អាជីព​របស់​ខ្លួន។ ក្រៅ​ពី​បង្ហាញ​ខ្លួន​នៅ​ Manchester United និង Everton រូប​គេ​ក៏​បាន​ចូល​លេង​ឲ្យ​ជម្រើស​ជាតិ​អង់គ្លេស​៥៩ប្រកួត​ផង​ដែរ​ក្នុង​រយៈ​ពេល​១១ឆ្នាំ។ ពាន​រង្វាន់​ដែល Neville ទទួល​បាន​រួម​មាន​ UEFA Champions League ម្ដង, Premier League ៦ដង, FA Cup ៣ដង, Community Shield ៣ដង និង Intercontinental Cup ម្ដង៕

Peter Lim មហា​សេដ្ឋី​សិង្ហបុរី ជា​ប្រធាន​ក្លិប Valencia

គ្រូប​ង្វឹក​ក្រុម​ Valencia លោក Nuno Espirito Santo

ចុច​អាន៖ Valencia​ ​គ្រោង​ចាយ​លុយ ​៣៧​លាន​ដុល្លារ ​យក​ Mata​ ពី ​Man Utd​

ប្រភព៖ valenciacf