៦យ៉ាងពីលុយដុល្លារអាមេរិក ធ្លាប់ដឹងអត់?

2014-09-12 22:23:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រដាសប្រាក់ដុល្លារអាមេរិកដែលមនុស្សគ្រប់គ្នាស្រលាញ់ចង់បានកាន់ឲ្យណែនៗពេញដៃ មានរឿងពាក់ព័ន្ធមួយចំនួនដែលប្រិយមិត្តអាចមិនធ្លាប់បានដឹង។ ចំណុចទាំងនោះរួមមាន៖

១. ស្ត្រីដំបូងដែលលេចមុខលើកាក់របស់អាមេរិកមិនមែនជនជាតិអាមេរិកទេ ប៉ុន្តែជាម្ចាស់ក្សត្រីអេស្ប៉ាញព្រះនាម Isabella ដែលត្រូវគេបោះពុម្ពលើកាក់របស់អាមេរិកក្នុងឆ្នាំ ១៨៩៣។

២. ប្រធានាធិបតីដែលកំពុងមានជីវិតមិនត្រូវបានគេអនុញ្ញាតឲ្យបោះពុម្ពរូបលើក្រដាសប្រាក់ឡើយ។

៣. លោក Benjamin Franklin ជាមនុស្សតែម្នាក់ មិនមែនជាប្រធានាធិបតីអាមេរិកដែលលេចមុខលើក្រដាសប្រាក់ដុល្លារអាមេរិក។ រហូតមកទល់បច្ចុប្បន្ននេះ រូបបិតាស្ថាបនិកសហរដ្ឋអាមេរិករូបនេះនៅមាននៅលើក្រដាសប្រាក់ ១០០ដុល្លារ ដែលជាក្រដាសប្រាក់ពេញនិយមប្រើប្រាស់បំផុត។

៤. ក្រដាសប្រាក់ក្លែងក្លាយ ២០ដុល្លារ ជាក្រដាសប្រាក់ដែលរកឃើញច្រើនបំផុតក្នុងសហរដ្ឋអាមេរិក ខណៈនៅក្រៅប្រទេស ក្រដាសប្រាក់ ១០០ដុល្លារក្លែងក្លាយមានចំនួនច្រើនជាងគេ។

៥. ៩៥% នៃក្រដាសប្រាក់ដែលបោះពុម្ពថ្មីគឺត្រូវបានយកទៅប្ដូរជំនួសក្រដាសដុល្លារចាស់ដែលត្រូវបានប្រើប្រាស់នៅក្រៅប្រទេស។ ក្រដាសប្រាក់ដុល្លារអាមេរិកគឺជារូបិយប័ណ្ណដែលមានប្រជាប្រិយភាពបំផុតលើប្រតិបត្តិការសាច់ប្រាក់ក្នុងលោក។

៦. ក្រដាសប្រាក់ដុល្លារដែលអ្នកចាយរាល់ថ្ងៃជាប្រភពនៃបាក់តេរីដ៏ធំមួយ។ តាមពិតទៅក្រដាសប្រាក់ផ្សេងក៏ដូចគ្នាដែរ តែដុល្លារជារូបិយប័ណ្ណដែលមានប្រជាប្រិយភាពបំផុតលើប្រតិបត្តិការសាច់ប្រាក់ក្នុងលោក ដូច្នេះកម្រិតបាក់តេរីមានច្រើនជាងគេ។ ជាក់ស្តែង ការសិក្សាជាច្រើនបានរកឃើញថាក្រដាសប្រាក់ដុល្លារកាន់តែចាស់កម្រិតបាក់តេរីដែលវាមានក៏កាន់តែខ្ពស់ដែរ។