Real ជាក្រុមអ្នកមានដាច់គេឆ្នាំ២០១៥ រីឯ Barca នៅលេខ៤

2015-07-16 17:05:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ដេចស Real Madrid បានជាប់ជាក្រុម ដែលមានតម្លៃជាងគេបំផុត ប្រចាំឆ្នាំ២០១៥ និងជាប់ជាក្រុមអ្នកមានជាងគេ៣ឆ្នាំជាប់ៗគ្នា ក្នុងបញ្ជី Forbes ដែលបានចេញកាលពីម្សិលមិញ ខណៈដែលក្រុមគូប្រជែង Barcelona ស្ថិតនៅលេខ៤ ឯណោះ។

ក្រុមជើងឯកអឺរ៉ុប១០សម័យកាល Real បានក្លាយជាក្រុមថ្លៃជាងគេលើលោក ដោយមានប្រាក់ ៣,២៦ពាន់លានដុល្លារ នាំមុខក្រុមលេខ២ ក្រុមបាល់ឱបអាមេរិក Dallas Cowboys ដែលមានប្រាក់៣,២ពាន់លានដុល្លារ និងក្រុម Baseball របស់អាមេរិក New York Yankees មានប្រាក់៣,២ពាន់លានដុល្លារស្មើគ្នា ខណៈដែលលេខ៤ គឺក្រុមបាល់ទាត់ FC Barcelona មាន៣,១៦ពាន់លានដុល្លារ។

រីឯក្រុម Manchester United នៅតែជាក្លិប ដែលមានតម្លៃថ្លៃជាងគេបំផុតនៅអង់គ្លេស ទោះបីជាធ្លាក់ពីចំណាត់ថ្នាក់លេខ៣ កាលពីឆ្នាំ២០១៤ ទៅដល់លេខ៥ក្នុងឆ្នាំនេះក៏ដោយ ដោយពួកគេមានប្រាក់ ៣,១ពាន់លានដុល្លារ។

សម្រាប់ក្រុមបាល់ទាត់អង់គ្លេសធំៗផ្សេងទៀត Manchester City ស្ថិតនៅលេខ២៩ មានប្រាក់១,៣៧៥ពាន់លានដុល្លារ, Chelsea លេខ៣១ មានប្រាក់១,៣៧ពាន់លានដុល្លារ និង Arsenal លេខ៣៦ មាន១,៣ពាន់លានដុល្លារ ចំណែកឯ Liverpool ពុំបានជាប់ក្នុងបញ្ចប់ចំណាត់ថ្នាក់ទាំង៥០ឡើយ។

Forbes គឺជាទស្សនាវដ្ដីជំនួញរបស់អាមេរិក ដែលបានធ្វើការវាយតម្លៃក្រុមកីឡាអាជីពល្បីធំៗ តាំងពីឆ្នាំ១៩៩៨៕

*តារាង Forbes ទាំង៥០ក្រុម៖