ប៉ុន្មានចំណុចនេះមែនទេដែលជាការចងចាំនៃស្នេហ៍គ្រាដំបូង?

2015-07-18 17:01:31
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សគ្រប់គ្នាតែងតែមានស្នេហ៍គ្រាដំបូងជានិច្ច ទោះជាម្នាក់នោះចេះមានស្នេហាតាំងពីពេលណាមកក៏ដោយ។ អ្វីដែលកាន់តែពិសេសទៀតនោះ ស្នេហ៍គ្រាដំបូងនេះហើយដែលជាពេលវេលាដ៏គួរឱ្យចង់ចាំបំផុត ត្បិតតែពេលខ្លះ មិនសមបំណងយ៉ាងណាក៏ដោយ។

ខាងក្រោមនេះជាចំណុចខ្លះៗ ដែលមនុស្សភាគច្រើនតែងតែចងចាំចំពោះស្នេហ៍គ្រាដំបូងរបស់ពួកគេ៖

១.ស្នាមថើបដំបូង

មនុស្សគ្រប់រូបភាគច្រើន គឺមិនអាចបំភ្លេចស្នាមថើបដំបូងរបស់ពួកគេបានឡើយ ព្រោះជាការចាប់ផ្ដើមដោយភាពបរិសុទ្ធចេញពីបេះដូងពិតៗ។ ទោះជាពេលនេះអ្នកមានសង្សារផ្សេងក៏ដោយ តែពេលទៅដល់កន្លែងថើបលើកទីមួយនោះ អ្នកប្រាកដជាលួចញញឹមម្នាក់ឯងមិនខាន។

២.ស្នាមញញឹមរបស់គេ

ក្នុងដំណាក់កាលស្គាល់គ្នាជាលើកដំបូងពិតណាស់ អ្វីៗពិតជាមើលទៅមានសុភមង្គលណាស់។ ពេលនោះហើយអ្នកតែងនៅក្បែរគ្នា និយាយរឿងកំប្លែង ឬ រឿងអ្វីផ្សេងៗទៀត ហើយនោះគឺជាស្នាមញញឹមនៃស្នេហាគ្រាដំបូងដ៏មានន័យបំផុតដែរ។ នេះជារឿងមួយដ៏សំខាន់បំផុតដែលអ្នកបានចងចាំពីស្នេហាដំបូង។

៣.ការណាត់ជួបលើកដំបូង

អ្នកពិតជាមិនអាចភ្លេចបានទេនូវកន្លែងដែលជួបស្នេហ៍គ្រាដំបូង ហើយនេះក៏ជាផ្នែកមួយដែលធ្វើឲ្យអ្នកមិនដែលភ្លេចពីសេចក្ដីស្រឡាញ់ដំបូងបាន។

៤.ចែករំលែកពេលវេលាល្អៗ

ស្នេហាគ្រាដំបូងគឺជារឿងដែលពិបាកបំភ្លេចខ្លាំងបំផុត ព្រោះសេចក្ដីស្រឡាញ់លើកទីមួយរបស់មនុស្សគ្រប់រូបពិតជាមានអត្ថន័យជ្រាលជ្រៅណាស់។ ដូចជាបានជួបរឿងគួរឲ្យចង់សើច ធ្វើរឿងឆ្កួតៗ ចែករំលែករបស់ញ៉ាំជាមួយគ្នា ជាដើម។

៥. លុយមិនមែនជារឿងសំខាន់

ជាក់ស្ដែងប្រាក់គឺជារឿងសំខាន់ណាស់សម្រាប់មនុស្សគ្រប់គ្នា ប៉ុន្តែវាក៏អាចមិនជាសូវសំខាន់ខ្លាំងដែរ ចំពោះគូស្នេហ៍ដែលស្រលាញ់គ្នាស្មោះស្ម័គ្រ។ តួយ៉ាងស្នេហ៍ដំបូងរបស់មនុស្សគ្រប់រូបប្រាកដណាស់ថាមិនមែនជាពេលដែលពួកគេអាចរកលុយចាយខ្លួនបានឯងបាន១០០%នោះទេ ដូច្នេះមានន័យថាពេលខ្លះពួកគេក៏ជួបនឹងបញ្ហាអត់លុយនាំគ្នាដើរលេងឬទិញអីញាំផងដែរ៕

បន្ទាប់ពីអានហើយ តើមានត្រូវចំណុចរបស់ប្រិយមិត្តខ្លះដែរអត់?

ប្រែសម្រួល៖មុន្នី រម្យ ប្រភព៖boldsky