ឡានពាសដែកមហាខ្លាំងផលិតដោយអាហ្រ្វិកខាងត្បូង ពិតជាខ្លាំងមែន!

2015-08-26 20:40:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Marauder គឺជាឡានពាសដែក ដែលមានសមត្ថភាពខ្លាំង និងទំនើបមួយ ត្រូវបានផលិតឡើងដោយក្រុមហ៊ុន Paramount Group របស់អាហ្រ្វិកខាងត្បូង។ ឡានពាសដែកមួយនេះមានភាពល្បីល្បាញ និងមានការទទួលស្គាល់ច្រើនចាប់តាំងពីវាត្រូវបានប្រកាសកាលក្នុងឆ្នាំ ២០០៧ មកម៉្លេះ។

ឡានពាសដែក Marauder គឺត្រូវបានប្រើសម្រាប់បេសកកម្មរក្សាសន្តិភាពប្រទេស និង ឈ្លបយកការណ៍ផ្សេងៗ។ ដូច្នេះ Marauder គឺផលិតឡើងសម្រាប់លក់ឲ្យតែយោធារបស់រដ្ឋាភិបាលតែប៉ុណ្ណោះ។

លក្ខណៈពិសេសរបស់ឡានពាសដែករបស់អាហ្វ្រិកខាងត្បូងមួយនេះគឺវាមានសមត្ថភាពអាចទ្រាំទ្រទៅនឹងកម្លាំងផ្ទុះរបស់គ្រាប់មីស៊ីល គ្រាប់មីន បុកទម្លុះជញ្ជាំងធំ និង គ្រាប់កាំភ្លាំង ក៏ដូចជាអាចបើកបានគ្រប់ស្ថានភាពផ្លូវដោយគ្មានបញ្ហា។

ឡានពាសដែកដ៏ខ្លាំងមួយរបស់ពិភពលោក Marauder ត្រូវបានផលិតឡើងដោយបំពាក់ម៉ាស៊ីនម៉ាស៊ូតស៊ីឡាំងប្រាំមួយប្រភេទ Turbo ដែលមានល្បឿន ១២០ គ.ម/ម៉ ហើយល្បឿនរបស់វានៅតែលឿនបើទោះបីជាវាកំពុងបើកបរលើផ្លូវដែលមានមីនផ្ទុះក៏ដោយ។

បន្ថែមទៀតនោះ បើទោះបីជារថយន្តយោធានេះមានទម្ងន់ធ្ងន់ដល់ទៅ ១៨ តោនក៏ដោយ ប៉ុន្តែវានៅតែអាចបើកបរបានយ៉ាងរលូន មិនថានៅលើប្រភេទដីរដិបរដុប ឬ ដឺភក់នោះទេ។

ចង់ដឹងថាវាខ្លាំងប៉ុណ្ណានោះសូមទស្សនាវីដេអូខាងក្រោម៖