ក្រុមហ៊ុនធំ ៣ ប្រាប់លក្ខខណ្ឌទិញរថយន្តបង់រំលស់
- 2015-08-27 15:38:36
- ចំនួនមតិ 0 | ចំនួនចែករំលែក 0
ក្រុមហ៊ុនធំ ៣ ប្រាប់លក្ខខណ្ឌទិញរថយន្តបង់រំលស់
ចន្លោះមិនឃើញ
ការទិញរថយន្តបង់រំលស់ ជាវិធីសាស្ត្រមួយសម្រួលការលំបាកយ៉ាងច្រើនសម្រាប់អ្នកដែលត្រូវការទិញរថយន្តប្រើប្រាស់ តែខ្វះលទ្ធភាពទិញផ្តាច់ទាំងស្រុង។ ក្នុងទីផ្សារដែលកំពុងមានការប្រកួតប្រជែងគ្នាកាន់តែខ្លាំង ក្រុមហ៊ុនមួយចំនួនបានដំណើរការសេវាកម្មទិញរថយន្តបង់រំលស់ និងក៏ទទួលបានការគាំទ្រពីអ្នកប្រើប្រាស់ជាច្រើនដែរ។ Sabay ណែនាំក្រុមហ៊ុននាំចូលរថយន្តធំៗចំនួន ៣ ដែលមានផ្តល់សេវាកម្មទិញរថយន្តបង់រំលស់ ដែលអតិថិជនអាចស្វែងរកតាមតម្រូវការ។
លោក ធី ច័ន្ទនិមលប្រធានផ្នែកលក់និងសេវាកម្ម Toyota Finance របស់ក្រុមហ៊ុន Toyota Cambodia បានប្រាប់ពីលក្ខខណ្ឌសម្រាប់អតិថិជនដែលត្រូវការទិញរថយន្តបង់រំលស់ពីក្រុមហ៊ុន Toyota ៖
@ អតិថិជនត្រូវបង់តម្លៃមុនពី ៣០ ទៅ ៥០ ភាគរយលើតម្លៃនៃរថយន្ត ជាមួយរយៈពេលត្រូវបង់ពី ១ ឆ្នាំ ដល់ ៥ ឆ្នាំ @ មិនចាំបាច់ដាក់ទ្រព្យបញ្ចាំ និងរយៈពេលដែលអាចទទួលរថយន្តប្រើប្រាស់លឿនបំផុត ៣ ថ្ងៃ @ ត្រូវទិញធានារ៉ាប់រងលើរថយន្តក្នុងអំឡុងពេលបង់រំលស់ @ ត្រូវមានអត្តសញ្ញាណប័ណ្ណឬលិខិតឆ្លងដែន និងឯកសារបញ្ជាក់ទីលំនៅដូចជាសៀវភៅស្នាក់នៅ និងប័ណ្ណគ្រួសារជាដើម @ ត្រូវមានប័ណ្ណបើកបរដែលមានសុពលភាព @ បញ្ជាក់ប្រាក់ខែសម្រាប់បុគ្គលិកបម្រើការតាមក្រុមហ៊ុន ឬវិក្កយបត្រចំណូលចំណាយសម្រាប់អ្នកបើកអាជីវកម្មដោយភ្ជាប់ជាមួយប័ណ្ណប៉ាតង់អាជីវកម្ម
ចំណែកលោក អ៊ឹង ផល្លា ប្រធានប្រតិបត្តិការ RMA Financial Service របស់ក្រុមហ៊ុន RMA ដែលនាំចូលរថយន្ត Ford, Jaguar និង Land Rover ក៏បានបង្ហាញពីលក្ខខណ្ឌសម្រាប់អតិថិជនដែលចង់ទិញរថយន្តដោយប្រើសេវាបង់រំលស់ពីក្រុមហ៊ុនថា៖
@ អតិថិជនត្រូវបង់តម្លៃមុន ៣០ ភាគរយលើតម្លៃសរុបនៃរថយន្ត ជាមួយរយៈពេលត្រូវបង់ ៥ ឆ្នាំ។ @ អាចមានការដាក់ទ្រព្យបញ្ចាំ (អាស្រ័យលើការពិនិត្យជាក់ស្ដែង) និងរយៈពេលដែលអាចទទួលរថយន្តប្រើប្រាស់លឿនបំផុត ១ ថ្ងៃ @ ត្រូវទិញធានារ៉ាប់រងលើរថយន្តក្នុងអំឡុងពេលបង់រំលស់ @ មិនមានការបង់ពិន័យ ករណីអតិថិជនត្រូវការបង់ផ្ដាច់លើតម្លៃរថយន្តក្នុងរយៈពេលដែលបង់រំលស់ @ ត្រូវមានអត្តសញ្ញាណប័ណ្ណឬលិខិតឆ្លងដែន និងឯកសារបញ្ជាក់ទីលំនៅដូចជាសៀវភៅស្នាក់នៅ និងប័ណ្ណគ្រួសារជាដើម @ ត្រូវមានប័ណ្ណបើកបរដែលមានសុពលភាព @ បញ្ជាក់ប្រាក់ខែសម្រាប់បុគ្គលិកបម្រើតាមក្រុមហ៊ុន ឬវិក្កយបត្រចំណូលចំណាយសម្រាប់អ្នកប្រកបអាជីវកម្មដោយភ្ជាប់ជាមួយប័ណ្ណប៉ាតង់អាជីវកម្ម
រីឯក្រុមហ៊ុន HGB ដែលជាក្រុមហ៊ុននាំចូលរថយន្ត Mazda ក៏មានសេវាកម្មបង់រំលស់ដល់អតិថិជនផងដែរ។ អ្នកនាង អ៊ុន កញ្ញា ប្រធានផ្នែកលក់របស់ក្រុមហ៊ុន HGBបានប្រាប់ពីលក្ខខណ្ឌសម្រាប់ការទិញរថយន្តបង់រំលស់របស់ក្រុមហ៊ុនដូចជា៖
@ អតិថិជនត្រូវបង់តម្លៃមុន ២០ ភាគរយលើតម្លៃសរុបនៃរថយន្តជាមួយរយៈពេលត្រូវបង់ ៥ ឆ្នាំ @ មិនចាំបាច់មានទ្រព្យបញ្ចាំ និងការទិញធានារ៉ាប់រងលើរថយន្តក្នុងអំឡុងពេលបង់រំលស់ @ មិនមានការបង់ពិន័យ ករណីអតិថិជនត្រូវការបង់ផ្ដាច់លើតម្លៃរថយន្តក្នុងរយៈពេលដែលបង់រំលស់ @ ទទួលកាតគ្រីសម្គាល់ម្ចាស់កម្មសិទ្ធិ ដោយមិនចាំបាច់កាត់ឈ្មោះពីក្រុមហ៊ុន។ @ ត្រូវមានអត្តសញ្ញាណប័ណ្ណឬលិខិតឆ្លងដែន និងឯកសារបញ្ជាក់ទីលំនៅដូចជាសៀវភៅស្នាក់នៅ និងប័ណ្ណគ្រួសារជាដើម @ ត្រូវមានប័ណ្ណបើកបរដែលមានសុពលភាព @ បញ្ជាក់ប្រាក់ខែសម្រាប់បុគ្គលិកបម្រើតាមក្រុមហ៊ុន ឬវិក្កយបត្រចំណូលចំណាយសម្រាប់អ្នកប្រកបអាជីវកម្មដោយភ្ជាប់និងបង្ហាញប័ណ្ណប៉ាតង់អាជីវកម្ម
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
