Honda Click និង Suzuki Impulse មានរូបរាងស្រដៀងគ្នា ចុះលក្ខណៈសម្បត្តិវិញ?

2015-10-01 21:09:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗកន្លងទៅនេះ ក្រុមហ៊ុន Suzuki បានបង្ហាញពីម៉ូតូអូតូម៉ូដែលថ្មីរបស់ខ្លួន Suzuki Impulse ដែលមានការរចនារូបរាងស្រដៀងគ្នាទៅនឹងម៉ូតូ Click របស់ក្រុមហ៊ុនហុងដាដែរ។

ក្រៅពីរូបរាងស្រដៀងគ្នាហើយ តើម៉ូតូទាំងពីរមានលក្ខណៈសម្បត្តិខុសគ្នាដែរឬយ៉ាងណា ទៅតាមដានការប្រៀបធៀបត្រួសៗដូចខាងក្រោម៖

-ការរចនា៖ ត្បិតតែម៉ូតូទាំងពីរមានលក្ខណៈស្រដៀងគ្នាផ្នែកខាងមុខក៏ពិតមែន ប៉ុន្តែបើពិនិត្យមើលផ្នែកខាងក្រោយវិញគឺមានភាពខុសគ្នាយ៉ាងដាច់ស្រឡះ។ Suzuki Impulse មានការរចនារូបរាងផ្នែកខាងក្រោយដោយអំពូលភ្លើងបង្ហាញសញ្ញាមិនមានលក្ខណៈលយចេញមកក្រៅដូចជា Honda Click នោះទេ។

ផ្នែកខាងក្រោយ Suzuki Impulse

ផ្នែកខាងក្រោយ Honda Click 2015

-ម៉ាស៊ីន៖ Suzuki Impulse មានបំពាក់នូវម៉ាស៊ីនប្រភេទ៤តង់ SOHC ដែលមានខ្យល់ត្រជាក់ និងមានកម្លាំង១២៥សេសេ ដោយអាចបើកបរបានចម្ងាយ៥០ទៅ៦០គីឡូម៉ែត្រក្នុងមួយលីត្រអាស្រ័យលើស្ថានភាពផ្លូវ។ ចំពោះ Honda Click វិញបានបំពាក់ម៉ាស៊ីនប្រភេទ៤តង់ SOHC, PGM-Fi ដែលមានទឹកត្រជាក់ និងមានកម្លាំង១២៥សេសេ ដោយអាចបើកបរបានចម្ងាយ៦៤,៣គីឡូម៉ែត្រក្នុងមួយលីត្រ នេះក៏ដោយសារតែមានបច្ចេកវិទ្យាសន្សំសំចៃប្រេង eSP របស់ក្រុមហ៊ុនហុងដា។

-តម្លៃ៖ Suzuki Impulse ត្រូវបានដាក់លក់នៅលើទីផ្សារក្នុងតម្លៃប្រមាណជា១៨០០ដុល្លារក្នុងមួយគ្រឿង ចំណែកឯ Honda Click វិញមានតម្លៃថ្លៃជាងបន្តិចគឺប្រមាណជា២២០០ដុល្លារក្នុងមួយគ្រឿង។

-លក្ខណៈសម្បត្តិបន្ថែម៖

លក្ខណៈសម្បត្តិ	Suzuki Impulse	Honda Click 2015
ទំហំមាឌស៊ីឡាំង	១២៥ សេសេ	១២៥ សេសេ
ប្រភេទម៉ាស៊ីន	៤តង់, SOHC, បញ្ចុះកម្ដៅដោយខ្យល់	ប្រព័ន្ធប្រើប៊ិច PGM-FI ៤តង់, SOHC, បញ្ចុះកម្ដៅដោយទឹក
អង្កត់ផ្ចិតស៊ីឡាំងនិងជំហានពិស្តុង	៥៣,៥ម.មx៥៥,២ម.ម	៥២,៤ម.មx៥៧,៩ម.ម
ប្រព័ន្ធអំប្រាយ៉ា	ប្រភេទស្ងួត ស្វ័យប្រវត្តិ	ប្រភេទស្ងួត ស្វ័យប្រវត្តិ
ទំហំ (ទទឹងxបណ្ដោយxកម្ពស់)	៦៨០ម.មx១៩២០ម.មx១០៦៥ម.ម	៦៨៣ម.មx១៩២១ម.មx១០៩៦ម.ម
ប្រវែងពីកង់មុខទៅកង់ក្រោយ	១២៨៥ម.ម	១២៨០ម.ម
កម្ពស់ពីដី	១៣៥ម.ម	១៣៥ម.ម
កម្ពស់កែបម៉ូតូ	៧៧០ម.ម	៧៦៧ម.ម
ចំណុះធុងសាំង	៥ លីត្រ	៥,៥ លីត្រ
ប្រព័ន្ធបូមមុខ	ប្រភេទ Telescopic	ប្រភេទ Telescopic
ប្រព័ន្ធបូមក្រោយ	ប្រភេទ Telescopic Forks	ប្រភេទ Telescopic Forks
បូមក្រោយ	ប្រភេទ double - tube, oil damper	ប្រភេទ Unit Swing
ទម្ងន់	១១៤គីឡូក្រាម	១១០គីឡូក្រាម
ហ្វ្រាំងក្រោយ	ហ្រ្វាំងថាសទំហំ ២៤០ម.ម	ហ្រ្វាំងថាសទំហំ ២២០ម.ម
ប្រព័ន្ធហ្រ្វាំងមុខ	ប្រព័ន្ធហ្រ្វាំង Disc	ប្រព័ន្ធហ្រ្វាំងរួម(Combi Brake)
ប្រព័ន្ធហ្រ្វាំងក្រោយ	ប្រព័ន្ធស្បែក (Drum)	ប្រព័ន្ធស្បែក (Drum)
តម្លៃ	ប្រហាក់ប្រហែល១៨០០ដុល្លារ	ប្រហាក់ប្រហែល២២០០ដុល្លារ