Premier League កក្រើកវិញល្ងាចនេះ Man City ប៉ះ Spurs

2014-10-18 18:18:43
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីអាក់ខានប្រកួតអស់ជាង១០ថ្ងៃមកហើយនេះ ក្របខ័ណ្ឌកំពូលរបស់អង់គ្លេស Barclays Premier League ចាប់ផ្ដើមប្រកួតវិញហើយថ្ងៃនេះ។ ចំណែកគូប្រកួតដែលគួរឲ្យចាប់អារម្មណ៍ដែល Sabay សូមលើកយកមកវិភាគ គឺ Manchester City បើកទ្វាផ្ទះស្វាគមន៍ Tottenham Hotspur វេលាម៉ោង ៦:៤៥នាទីល្ងាច។

សម្ដីអ្នកចាត់ការ

លោក Manuel Pellegrini អ្នកចាត់ការ Man City បាននិយាយថា៖ “ខ្ញុំច្បាស់ណាស់ថា Spurs រដូវកាលនេះមិនដូចរដូវកាលមុនទេ យើងធ្វើបានយ៉ាងល្អនៅរដូវកាលមុនទោះជានៅក្រៅដីឬក្នុងដីក៏ដោយ។ ក្រុមយើងមិនអាចរកបាន៥ទៅ៦គ្រាប់ដូចកាលមុននោះទេ។ Pochettino ជាគ្រូបង្វឹកល្អខ្លាំងណាស់ហើយខ្ញុំដឹងថាការប្រកួតល្ងាចនេះនឹងធ្វើឱ្យយើងពិបាក។ ដូចខ្ញុំបាននិយាយអីចឹងការប្រកួតរដូវកាលមុនមិនមានអីទាក់ទងនឹងរដូវកាលនេះទេ ដូច្នេះក្រុមយើងទាំងមូលត្រូវប្រឹងប្រែងបន្តទៀត”។

ចំណែកលោក Mauricio Pochettino ដែលជាអ្នកចាត់ការក្រុម Tottenham វិញបាននិយាយដែរថា៖ “ការពិតទៅ ខ្ញុំមិនចាំលទ្ធផលចាញ់ Man City ៦-០ និង ៥-១ កាលពីរដូវកាលមុនអីនោះទេ។ នេះជារដូវកាលថ្មី កីឡាករថ្មី និងបច្ចេកទេសថ្មី ដូច្នេះយើងត្រូវតែធ្វើឱ្យបាននូវអ្វីដែលយើងចង់បានមិនឱ្យដូចរដូវកាលមុនទេ។ វាមិនមែនជារឿងសំខាន់ទេចំពោះរដូវកាលមុននោះ អ្វីដែលសំខាន់នោះគឺរដូវកាលនេះ តើយើងធ្វើបានល្អប៉ុនណា”។

ជំនួបរវាងក្រុមទាំង២នាពេលកន្លងមក

ជើងកីឡាករ

Manchester City នឹងត្រូវអវត្តមានកីឡាករ៣នាក់គឺ Nasri, Nastsic និង Mangala។ ចំពោះក្បួនសម្រាប់ល្ងាចនេះគឺអាចជា ៤-២-៣-១ ដែលកីឡាករជាជម្រើស១១នាក់ដំបូងនោះប្រហែលជាមាន Hart, Kompany, Zabaleta, Demichelis, Clichy, Fernandinho, Fernando; Milner, Touré, Silva និង Agüero។

រីឯខាង Tottenham វិញនឹងត្រូវអវត្តមាន Naughton (កែងជើង), Walker (ក្រលៀន)។ ចំពោះយុទ្ធសាស្ត្ររបស់លោក Mauricio Pochettino គឺ ៤-២-៣-១ ដូច Man City ដែរ ដែលជម្រើស១១នាក់ដំបូងនោះគឺ Lloris , Naughton, Vertonghen, Kaboul, Rose, Mason, Lamela, Capoué, Eriksen, Chadli និង Adebayor។

ប្រវត្តិជួបគ្នា

គិតចាប់ពីដើមមកក្រុមទាំងពីធ្លាប់បានជួបគ្នា១២៧ដងមកហើយដែលក្នុងនោះ Manchester City ឈ្នះ៤៨ដងស្មើ៣០ដង និងចាញ់៤៩ដង។ ៦ប្រកួតចុងក្រោយរបស់ Man City ពេលទទួល Tottenham គឺឈ្នះទាំង៦ប្រកួតហើយគិតជាមធ្យមក្នុងជំនួបរបស់ក្រុមទាំងពីររកគ្រាប់បាល់មិនក្រោម៥គ្រាប់ទេ។

អ្វីដែលគូរដឹង

រដូវកាលនេះ ៧ប្រកួតដំបូង Manchester City ឈ្នះ៤ចាញ់១ និងស្មើ២ ហើយកីឡាករដែលឧស្សាហ៍រកគ្រាប់បាល់បានច្រើនជាងគេនោះគឺ Aguero ដែលរកបាន៥គ្រាប់មកហើយ។ ចំណែក Spurs វិញ ៧ប្រកួតដូចគ្នា តែឈ្នះ៣ ចាញ់២ ស្មើ២ និងអ្នករកគ្រាប់បាល់បានច្រើនជាងគេនៅក្នុងក្រុមនេះគឺ Chadli រកបាន៤គ្រាប់ហើយ។

៦គូផ្សេងទៀតដែលត្រូវប្រកួតយប់នេះដែរ៖