ចំណុចពិសេសៗរបស់ Audi Q7 ស៊េរីឆ្នាំ ២០១៤

2014-09-17 17:48:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតរថយន្តខ្នាតយក្ស Audi អាល្លឺម៉ង់បានបង្ហាញរថយន្តស៊េរីថ្មីមួយទៀតគឺ Q7 ម៉ូដែលឆ្នាំ ២០១៤។ ម៉ូដែលនេះមានវត្តមានជាផ្លូវការនៅកម្ពុជាហើយ និងការបំពាក់បច្ចេកវិទ្យាថ្មីៗដែលមិនអាចមើលរំលងបាន។ សម្រាប់អ្នកចាប់អារម្មណ៍លើរថយន្តប្រណិតមួយនេះពិតជាចង់ដឹងថា តើ Audi Q7 មានចំណុចលេចធ្លោណាខ្លះដែលគួរតែទិញយកមកជិះ? អីចឹង Sabay សូមបង្ហាញចំណុចដ៏អស្ចារ្យរបស់រថយន្តលំដាប់ High Class នេះដូចខាងក្រោម៖

១. ផ្នែកខាងក្រៅ៖

- តួរថយន្តផលិតពីដែកថែបយ៉ាងរឹងមាំដែលអាចរក្សាលំនឹងពេលកំពុងបើកបរគ្រប់ស្ថានភាពផ្លូវ - ប្រភេទ 4 Wheel Drive ដែលអាចឡើងទួល ឬចុះទួលដោយគ្មានបញ្ហា - បំពាក់អំពូលមុខប្រភេទ LED ដែលអាចបំភ្លឺផ្លូវបានយ៉ាងច្បាស់ទោះជាស្ថិតក្នុងស្ថានភាពងងឹតខ្លាំង - បំពាក់កាមេរ៉ាក្រោយផ្តល់ភាពងាយស្រួលពេលថយមិនចាំបាច់ងាក - ភ្លើងក្រោយបានរចនាជាផ្កាយ៉ាងទាក់ទាញ - បំពង់ស៊ីម៉ាំងបានបំពាក់បច្ចេកវិទ្យារក្សាសំឡេងមិនឱ្យឮខ្លាំង និងរំភាយ - កញ្ចក់រថយន្តអាចការពារកាំរស្មី UV និងរក្សាសីតុណ្ហភាពឱ្យនៅតែត្រជាក់ទោះស្ថិតក្នុងអាកាសធាតុក្ដៅ - កញ្ចក់ដំបូលអាចបិទបើកដោយស្វ័យប្រវត្តិ

២. ផ្នែកខាងក្នុង៖ - ម៉ាស៊ីនទំហំ ៣ លីត្រ - បំពាក់ម៉ាស៊ីនសាំង - ដំណើរការដោយប្រអប់ចង្កេះលេខ ៨ វគ្គស្វ័យប្រវត្តិ - មានប្រព័ន្ធបញ្ឆេះម៉ាស៊ីនដោយស្វ័យប្រវត្តិ - មានកៅអីអង្គុយ ៧ ដែលអាចផ្ទុកមនុស្សបាន ១០នាក់ - ស្រោមកៅអីផលិតពីស្បែកយ៉ាងស្វិត - ចង្កូតរថយន្តអាចបត់បែនតាមការចង់បានរបស់អ្នកបើកបរ - តួខាងក្នុងមានលក្ខណៈធំទូលាយអាចសម្រួលឥរិយាបថគ្រប់ស្ថានការណ៏ - បំពាក់ Speaker ដែលមានសំឡេង Stereo ពេញផ្ទៃរថយន្ត