អ្នកធាត់ជ្រុលនៅចិនកំពុងកើនឡើង ឯប្ដីប្រពន្ធមួយគូឡើងជិត២០០គីឡូ រួមភេទលែងកើត

2015-12-03 17:35:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាជនចិនដែលធាត់លើសទម្ងន់ កំពុងកើនឡើងគួរឲ្យព្រួយបារម្ភ ជាពិសេសគឺអ្នកមានជីវភាពធូរធា។ ប្ដីប្រពន្ធមួយគូរស់នៅខេត្តស៊ីឈួន ភាគនិរតី ប្រទេសចិន ដែលមានឈ្មោះ Lin Yue និង Deng Yang ក៏ស្ថិតក្នុងចំណោមនោះដែរ។ គេទាំង២នាក់ មានទម្ងន់មិនដល់១០០គីឡូនោះទេមុនពេលរៀបការ តែបានឡើងយ៉ាងរហ័សជិត ២០០គីឡូក្រាមដូចគ្នា បន្ទាប់ពីរៀបការបាន៥ឆ្នាំ។ ដោយសារធាត់ជ្រុល ពួកគេមិនអាចរួមភេទដើម្បីបង្កើតកូនស្នងត្រកូលបាននោះឡើយ។

ស្ថិតក្នុងវ័យខ្ទង់៣០ឆ្នាំ ពួកគេបានសម្រេចចិត្តសម្រកទម្ងន់វិញតាមរយៈការវះកាត់ ក្រោមការណែនាំរបស់គ្រូពេទ្យនៅមន្ទីរពេទ្យមួយក្នុងក្រុងឆាងឈុន ភាគឦសានប្រទេស ។ យ៉ាងណាក្ដី គេមិនទាន់ដឹងថានឹងស្រកបានប៉ុណ្ណានៅឡើយទេ។ មានមនុស្សជាច្រើន បានជូនពរពួកគេឲ្យស្រកទម្ងន់តាមប្រាថ្នា។

គួរឲ្យដឹងផងដែរថា ក្នុងអំឡុងពេលប៉ុន្មានឆ្នាំចុងក្រោយនេះ ប្រជាជនចិនធាត់លើសទម្ងន់ មានចំនួនកើនឡើងតាមជីវភាពរបស់ពួកគេ។ ការសិក្សាស្រាវជ្រាវមួយ ធ្វើឡើងដោយវិទ្យាស្ថានវាស់ស្ទង់សុខភាព និងការវាយតម្លៃ របស់សាកលវិទ្យាល័យ Washington បានបោះពុម្ពផ្សាយទស្សនាវដ្ដីពេទ្យ The Lancet ក្នុងឆ្នាំ២០១៤ បានរកឃើញថា បុរសពេញវ័យចិនចំនួនជាង២៨% និងនារី ២៧% ទូទាំងប្រទេសបានធាត់ហួសទម្ងន់ ដែលជាបន្ទុករបស់រដ្ឋាភិបាលត្រូវផ្ដល់ប្រព័ន្ធរក្សាសុខុមាលភាព ជូនពួកគេ៕