Arsenal ឡើងឈរលេខ១ បន្ទាប់ពីឈ្នះក្រុម Aston Villa ២- ០ យប់មិញ
- 2015-12-14 14:30:11
- ចំនួនមតិ 0 | ចំនួនចែករំលែក 0
Arsenal ឡើងឈរលេខ១ បន្ទាប់ពីឈ្នះក្រុម Aston Villa ២- ០ យប់មិញ
ចន្លោះមិនឃើញ
កាំភ្លើងធំ Arsenal បានឡើងមកឈរនៅចំណាត់ថ្នាក់លេខ១ បណ្ដោះអាសន្នបន្ទាប់ពីយកបាន៣ពិន្ទុបន្ថែមពីក្រុម Aston Villa កាលពីយប់មិញនេះ ដោយកីឡាករ Olivier Giroud និង Aaron Ramsey រកបានម្នាក់មួយគ្រាប់ ក្នុងជ័យជម្នះ២-០។
Arsenal ប៉ុន្មានប្រកួតមកនេះ មិនទាន់ស្គាល់ពាក្យថាចាញ់នៅឡើយទេ ដោយពួកគេទើបតែយកឈ្នះក្រុម Aston Villa ២-០ បានទៀតកាលពីយប់មិញ។ ខ្សែប្រយុទ្ធ Giroud រកបានមួយគ្រាប់តាំងពីនាទី ៨ ដោយបាល់ពិន័យ១១ម៉ែត្រ ហើយដល់នាទី៣៨ កីឡាករ Ramsey ថែមបានមួយគ្រាប់ទៀតដោយទទួលបាល់បានយ៉ាងស្អាតពី Ozil ។ ចប់ការប្រកួត Arsenal ឈ្នះ Aston Villa ដោយលទ្ធផល ២-០ ។
Arsenal នៅឈរកំពូលតារាងនៅសប្ដាហ៍ទី១៦ មែន ប៉ុន្តែត្រូវរង់ចាំមើលការប្រកួតរបស់ Leicester City ជាមួយ Chelsea នៅម៉ោង៣ទៀបភ្លឺរំលងអាធ្រាត្រយប់នេះសិន ហើយបើ leicester ឈ្នះតោខៀវ នោះពួកគេនឹងឡើងទៅលេខ១វិញ ទម្លាក់ Arsenal មកត្រឹមលេខ២៕
ប្រែសម្រួល៖ មុន្នី រម្យ ប្រភព៖ dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
