ពិភពបច្ចេកវិទ្យាភ្ញាក់ផ្អើលក្រោយចិនផលិតយន្តហោះ Drone ប្រភេទនេះដំបូងគេក្នុងលោក

2016-01-07 23:49:39
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងពិព័រណ៍អេឡិចត្រូនិកអតិថិជន CES នៅអាមេរិក (ថ្ងៃទី៦-៩ មករា) ក្រុមហ៊ុនចិនបានធ្វើឲ្យពិភពបច្ចេកវិទ្យាភ្ញាក់ផ្អើលនឹងការបង្ហាញយន្តហោះ Drone ដំបូងគេក្នុងលោកដែលមនុស្សអាចជិះបើកបរបាន ឬអាចបើកបរខ្លួនឯងដោយស្វ័យប្រវត្តិ។

យន្តហោះនោះមានឈ្មោះថា Ehang 184 ឌីហ្សាញដោយស្លាបកង្ហារ៨ និងមានរាងទំនើបសមជាយន្តហោះនាពេលអនាគត។ 184 ប្រើសម្រាប់ហោះរយៈចម្ងាយជិត និងរយៈកម្ពស់ទាប ពោលគឺដូចឧទ្ធម្ភាគចក្រអ៊ីចឹង។

លក្ខណៈសម្បត្តិ៖

ទម្ងន់ ៤៤០ផោន (២០០គីឡូក្រាម) មានសមត្ថភាពអាចផ្ទុកទម្ងន់បាន ១០០គីឡូក្រាម
ដើរដោយថាមពលថ្មអាចប្រើបាន ២៣ នាទី ក្នុងល្បឿន ១០០គីឡូម៉ែត្រក្នុងមួយម៉ោង។ ប្រើពេល ២ ទៅ ៤ម៉ោងដើម្បីសាកពេញ អាស្រ័យមុខងារ Fast Charge ឬ Trickle Charge
មានកាប៊ីនមនុស្សអាចអង្គុយបញ្ជាបើកបរបាន និងបំពាក់ដោយម៉ាស៊ីនត្រជាក់ ឬបញ្ជាដោយគ្មានមនុស្សបើកបរបាន
ប្រើតែ Tablet មួយមុខគត់ដើម្បីបញ្ជាការបើកបរ ដោយកំណត់ទិញដៅលើផែនទី Map យន្តហោះនឹងហោះទៅកាន់គោលដៅ។ យន្តហោះនេះគ្មានដៃចង្កូតបញ្ជាទេ។
ហោះហើរ ឬចុះចត បញ្ឈរដូចឧទ្ធម្ភាគចក្រ

ចុះបើ Tablet គាំង ឬខូចពេលកំពុងហោះហើរ មានអ្វីអាចមកបញ្ជាយន្តហោះបាន បើគ្មានដៃចង្កូតអ៊ីចឹងនោះ? អ្នកតំណាងក្រុមហ៊ុន EHang បានធានាថា ក្រុមហ៊ុនមានមជ្ឈមណ្ឌលគ្រប់គ្រងការហោះហើរ Flight Control Center ដូចនៅប្រលានយន្តហោះអ៊ីចឹង។ មជ្ឈមណ្ឌលនេះអាចជួយអន្តរាគមន៍២៤ម៉ោងលើ២៤ម៉ោង។

យោងតាមអ្នកតំណាងក្រុមហ៊ុនថា 185 មានតម្លៃរាប់សែនដុល្លារ ដោយមិនបានបញ្ជាក់ពីថ្ងៃចេញលក់ឡើយ ក្រោយធ្វើតេស្ដសាកល្បងអស់ ១០០ ដង។