CCC ត្រៀមបើករដូវកាលថ្មីរកជើងខ្លាំងតាមខេត្តក្រុង
- 2014-09-12 23:52:32
- ចំនួនមតិ 0 | ចំនួនចែករំលែក 0
CCC ត្រៀមបើករដូវកាលថ្មីរកជើងខ្លាំងតាមខេត្តក្រុង
ចន្លោះមិនឃើញ
ក្រោយពីបានចំណាយពេលប្រមាណជិត ៣ ខែក្នុងការបំពេញបេសកកម្មស្វែងរកជើងខ្លាំងប្រចាំខេត្តក្រុង មកចូលរួមប្រកួតបន្តនៅជុំផ្ដាច់ព្រ័ត្រក្នុងទីក្រុងភ្នំពេញ Cambodia Cyber Championship (CCC 2013) បានរកឃើញជើងខ្លាំង ដែលមានសមត្ថភាពបំបាក់សត្រូវជាហូរហែតាំងពីព្រឹត្តិការណ៍ប្រកួតជម្រុះដំបូង រហូតមកដល់ជុំផ្ដាច់ព្រ័ត្រ។
CCC 2013 បានផ្ដល់ភាពភ្ញាក់ផ្អើលដល់ទស្សនិកជន រួមទាំងអ្នកប្រកួតយ៉ាងខ្លាំង ដោយទទួលបានក្រុមយុវវ័យចុះឈ្មោះប្រកួតបង្ហាញសមត្ថភាពប្រយុទ្ធអនឡាញរហូតដល់ទៅចំនួន 235 ក្រុម ប៉ុន្តែមកដល់ជុំផ្ដាច់ព្រ័ត្រគឺនៅសល់ត្រឹមតែ ៣២ ក្រុមប៉ុណ្ណោះដែលត្រូវប្រកួតគ្នាដណ្ដើមតំណែងជើងឯកប្រចាំឆ្នាំ ២០១៣ រួមទាំងប្រាក់រង្វាន់ពាន់ដុល្លារអាមេរិក។
អារម្មណ៍ដ៏តានតឹង ភាពសោកសៅ និងក្តីរំភើបរីករាយបានបង្ហាញលើផ្ទៃមុខទស្សនិកជនក៏ដូចជាអ្នកចូលរួមគ្រប់ៗគ្នា។ យ៉ាងណា ចុងក្រោយលទ្ធផលក៏បានរកឃើញ។
ឥឡូវព្រឹត្តិការណ៍ដ៏រន្ធត់នេះ បានវិលត្រឡប់មកវិញហើយ។ ព្រឹត្តិការណ៍ប្រកួតជ្រើសរើសជើងឯកប្រចាំឆ្នាំរដូវកាលថ្មីឆ្នាំ ២០១៤ Cambodia Cyber Championship 2014 នឹងបើកដំណើរការការប្រកួតស្វែងរកជើងខ្លាំងនៅតាមបណ្តាខេត្តក្រុងនានានៅពេលឆាប់ៗខាងមុខនេះ ដើម្បីស្វែងរកក្រុមខ្លាំងតំណាងមកចូលរួមការប្រកួតផ្ដាច់ព្រ័ត្រនៅរាជធានីភ្នំពេញ។
តើប្រិយមិត្តក៏ដូចមិត្តយុវវ័យបានត្រៀមខ្លួនរួចហើយឬនៅ? CCC 2014 ជាឱកាសដែលប្រិយមិត្តអាចចូលរួមបង្ហាញសមត្ថភាពប្រជែងជើងខ្លាំងដទៃទៀត ដើម្បីក្លាយកំពូលជើងខ្លាំងប្រចាំឆ្នាំ រួមជាមួយប្រាក់រង្វាន់ដ៏សន្ធឹកសន្ធាប់។
កាលបរិច្ឆេទ និងខេត្តក្រុងដែលត្រូវរៀបចំការប្រកួត Sabay នឹងផ្សាយជាបន្តបន្ទាប់នៅពេលក្រោយ។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
