​​ជា​រៀង​រាល់​ឆ្នាំ​​គេហទំព័រ​ល្បី​ឈ្មោះ TripAdvisor ​តែង​តែ​ធ្វើ​ចំណាត់​ថ្នាក់​រក​​ទីកន្លែង​ទេសចរណ៍​នានា​ជុំវិញពិភពលោក​​ ឲ្យ​គ្រប់គ្នា​​បាន​ស្គាល់ បាន​ដឹង​ ហើយ​​ពេល​នេះ​គេ​បាន​ចាត់​ថ្នាក់​​ស្វែង​រក​សណ្ឋាគារ​ប្រណិត​ៗ​ជុំវិញ​ពិភពលោក ក៏​ដូច​ជា​នៅ​ទូទាំង​ប្រទេស​ក្នុង​អាស៊ី​ផង​ដែរ ​ក្នុង​ពាន​រង្វាន់​ឈ្មោះ "Travellers’ Choice Awards "។

​​​ប្រធាន​ផ្នែក​ទីផ្សារ​របស់ TripAdvisor លោកស្រី Barbara Messing បាន​ធ្វើ​សន្និសីទ​កាសែត​​នៅ​ថ្ងៃ​ពុធ​ម្សិលមិញ​ថា លទ្ធផល​ស្វែង​រក​​​សណ្ឋាគារ​ល្អ​ដាច់​គេ​ប្រចាំ​ឆ្នាំ​​រក​ឃើញ​ហើយ ​​​និង​មាន​សមាជិក​​របស់ TripAdvisor ​រាប់​លាន​នាក់​សប្បាយ​រីករាយ​​ចង់​ឃើញ​​លទ្ធផល។ ​គេហទំព័រ​​​​ដដែល​លើក​ឡើង​ថា​សណ្ឋាគារ​ដែល​ជាប់​បញ្ជី​កំពូល​ទាំង​១០ ​​នៅលើពិភពលោក ត្រូវ​គេ​គិត​ទៅ​លើ ​សេវាកម្ម​ល្អ គុណភាព និង​តម្លៃ​​​សមរម្យ​ ជា​អាទិភាព។

សណ្ឋាគារ​​​​កំពូល​ទាំង​១០ ប្រចាំ​ឆ្នាំ ២០១៦ នោះ​រួម​មាន៖ ​​​១. Umaid Bhawan Palace Jodhpur ​នៅ​ទីក្រុង Jodhpur ប្រទេស​ឥណ្ឌា

២. Shinta Mani Resort នៅ​ខេត្ត​សៀមរាប ប្រទេស​កម្ពុជា

៣. Bellevue Syrene នៅ​ទីក្រុង Sorrento ប្រទេស​អ៊ីតាលី

៤. Hanoi La Siesta Hotel & Spa នៅ​ទីក្រុង​ហាយ​ណូយ ប្រទេស​វៀតណាម

៥. Achtis Hotel នៅ​ទីក្រុង Afitos ប្រទេស​ក្រិក

៦. Belmond Le Manoir aux Quat'Saisons នៅ​ចក្រភព​អង់គ្លេស

៧. Mirihi Island Resort ​លើ​កូន​កោះ Mirihi នៃ​កោះ​ម៉ាល់ឌីវ

៨. Bucuti & Tara Beach Resort Aruba Palm នៅ​ឆ្នេរ Eagle ​នៃ​ប្រទេស​​ Aruba

៩. Calabash Luxury Boutique Hotel & Spa នៅ​ប្រទេស Grenada

១០. Hotel Ritta Hoppner នៅ​ប្រទេស​ប្រេស៊ីល

ចុចអាន៖ សណ្ឋាគារ​ក្នុង​ទឹកដំបូងគេ​ តម្លៃ​​ជាង​១៩​លាន​ដុល្លារ​ មើល​ឃើញ​ទិដ្ឋភាព​ដ៏​អស្ចារ្យ​​នៅ​បាត​​សមុទ្រ

ចុចអាន៖ ទិដ្ឋភាព​សណ្ឋាគារ​ផ្កាយ​ពេញ​មេឃ ស្អាតៗ​ក្នុង​លោក

ប្រែ​សម្រួល៖​ឡេង ភារុណ ប្រភព៖ TripAdvisor