កីឡាករបាញ់អាជ្ញាកណ្ដាលស្លាប់លើទីលាន ខឹងពិន័យកាតក្រហម

2016-02-16 18:38:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវ័យក្មេងម្នាក់ បានបាញ់សម្លាប់អាជ្ញាកណ្ដាល បន្ទាប់ពីខឹងរឿងពិន័យកាតក្រហមឲ្យខ្លួន អំឡុងការប្រកួតមួយនៅប្រទេសអាហ្សង់ទីន ថ្ងៃចន្ទម្សិលមិញ។

ហេតុការណ៍រន្ធត់នេះ បានកើតឡើងក្នុងស្រុក Córdoba ប្រទេសអាហ្សង់ទីន អំឡុងការប្រកួតក្នុងតំបន់មួយ។ ជនដៃដល់ត្រូវបានគេស្គាល់ថា ជាកីឡាករវ័យក្មេងម្នាក់ ដែលខឹងរឿងអាជ្ញាកណ្ដាលពិន័យកាតក្រហមដល់រូបគេ ហើយក្រោយទទួលកាតក្រហមមិនបានប៉ុន្មាន កីឡាកររូបនេះក៏ស្ពាយកាបូបដាក់កាំភ្លើង ដើរចូលទីលានបាញ់អាជ្ញាកណ្ដាល៣គ្រាប់ស្លាប់ និងបាញ់ត្រូវកីឡាករវ័យ២៥ឆ្នាំម្នាក់ទៀតរបួសផងដែរ។

អាជ្ញាកណ្ដាល ដែលស្លាប់មានឈ្មោះថា César Flores វ័យ៤៨ឆ្នាំ បន្ទាប់ត្រូវកីឡាករបាញ់៣គ្រាប់ចំ ក្បាល ដើមទ្រូង និងកញ្ចឹងក រីឯកីឡាករម្នាក់ ដែលរបួសធ្ងន់ត្រូវបញ្ជូនទៅកាន់មន្ទីរពេទ្យ នោះមានឈ្មោះថា Walter Zárate។

រីឯកីឡាករវ័យក្មេងដែលជាជនល្មើសនោះ បានរត់គេចខ្លួនហើយ ខណៈដែលពេលនេះប៉ូលិស កំពុងតាមប្រមាញ់ចាប់ខ្លួន៕

-ចុចអាន៖ ក្រុមនៅហូឡង់ យកនារីសិចស៊ីស្លៀកតែខោក្នុង ធ្វើជា Mascots

ប្រែសម្រួល៖ វិន ជីវ័ន្ត ប្រភព៖ goal | mirror