អាហារ៣ប្រភេទ មិនគួរដាក់កម្ដៅក្នុងម៉ៃក្រូវ៉េវ
- 2016-02-23 17:41:20
- ចំនួនមតិ 0 | ចំនួនចែករំលែក 0
អាហារ៣ប្រភេទ មិនគួរដាក់កម្ដៅក្នុងម៉ៃក្រូវ៉េវ
ចន្លោះមិនឃើញ
អាហារសល់មួយចំនួនត្រូវបានគេដាក់ក្នុងម៉ាស៊ីនម៉ៃក្រូវ៉េវ (microwave) ដើម្បីឲ្យក្ដៅ និងបង្កើនរសជាតិឡើងវិញ។ ប៉ុន្តែ ក៏មានអាហារមួយចំនួនដែលអ្នកមិនគួរដាក់ក្នុងម៉ាស៊ីនកម្ដៅម៉ៃក្រូវេវនោះដែរ។ វិបសាយ Food Networks បានណែនាំឲ្យកម្ដៅលើចង្ក្រាន ឬចង្ក្រានអាំងសាច់ ព្រោះវាអាចជួយបង្កើនរសជាតិឆ្ងាញ់ប្រសើរជាង។
១. នំភីហ្សា មនុស្សភាគច្រើនតែងដាក់ នំភីហ្សាសល់ ក្លាសេ្សឲ្យត្រជាក់ដើម្បីរក្សាទុកឲ្យមានរសជាតិឆ្ងាញ់។ ប៉ុន្តែប្រសិនបើចង់កម្ដៅវាញ៉ាំវិញនោះ មិនគួរដាក់ក្នុងម៉ៃក្រូវេវនោះទេ ទោះវាងាយស្រួលក៏ដោយ ព្រោះវាអាចធ្វើឲ្យបាត់រសជាតិឆ្ងាញ់។ គួរដាក់កម្ដៅនំឡើងវិញ ក្នុងសីតុណ្ហភាព ១៩០ អង្សាសេ លើចង្ក្រានអាំងសាច់ រហូតដល់នំក្រៀមស្រួយ និង Cheese រលាយ។
២. ប៉ាស្តា (Pasta) បើជានំប៉ាស្តាគ្មានទឹកជ្រលក់ គឺកាន់តែងាយស្រួលកម្ដៅ។ ដាក់នំក្នុងឆ្នាំងរួចចាក់ទឹកក្ដៅពុះចូល ទុក រយៈពេល ៣០ ទៅ ៤៥ នាទី។ ប្រសិនបើនំ ប៉ាស្តា មានទឹកជ្រលក់ អ្នកអាចដាក់កម្ដៅក្នុងខ្ទះបាន ដោយបន្ថែមទឹកឬប្រេងឆាបន្តិចកុំឲ្យទឹកជ្រលក់ខាប់ជាប់។ ការធ្វើតាមវិធីទាំងនេះ គឺវាជួយរក្សារសជាតិនំ ឆ្ងាញ់ជាងការដាក់ក្នុងម៉ៃក្រូវេវ។
៣. ដំឡូងបារាំង ការកម្ដៅដំឡូងបារាំងឲ្យក្ដៅធម្មតាក្នុងម៉ៃក្រូវេវ គឺពុំមានរសជាតិអ្វីឡើយ។ ដើម្បីបង្កើនរសជាតិ អ្នកគួរកម្ដៅវាក្នុងខ្ទះមិនជាប់ប្រឡាក់។ ដាក់បំពងកម្ដៅ ដំឡូងបារាំងរហូតដល់ស្រួយ រួចចាក់វាលើក្រដាសស្អាតមួយ (ស្រង់យកប្រេងចេញ)។ រួចរោយអំបិលបន្តិច នោះអ្នកនឹងទទួលបាន ដំឡូងបារាំង ថ្មីរសជាតិឆ្ងាញ់៕
ប្រែសម្រួល៖ មាន រតនា ប្រភព៖ independent