Leonardo Dicaprio ឈ្នះពាន Oscar លើកដំបូង ក្រោយការរង់ចាំជាង២០ឆ្នាំ

2016-02-29 20:49:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយប្រឡូកក្នុងសិល្បៈសម្ដែងច្រើនជាង២០ឆ្នាំ នៅទីបំផុត តារាសម្ដែងអាមេរិក Leonardo Dicaprio ក៏ទទួលបានពានរង្វាន់ "តារាសម្ដែងប្រុសល្អបំផុត" ពីកម្មវិធី Oscar។

ថ្ងៃ ២៨ ខែកុម្ភៈ កម្មវិធីប្រគល់ពានរង្វាន់ភាពយន្តOscar លើកទី ៨៨ ត្រូវបានប្រព្រឹត្តឡើងនៅមហោស្រព Dolby សហរដ្ឋអាមេរិក ដើម្បីផ្ដល់កិត្តិយសដល់តារាសម្ដែងទាំងឡាយដែលបានលះបង់ដើម្បីសិល្បៈអស់រយៈពេលពេញមួយឆ្នាំកន្លងផុតទៅ។ Leonardo Dicaprio តារាសម្ដែងដែលជាប់ជាបេក្ខភាព "តារាសម្ដែងប្រុសល្អបំផុត" សម្រាប់ Academy Awards ឆ្នាំ ២០១៦ នេះ នៅទីបំផុតក៏ដណ្ដើមបានពានមាសជាលើកទីមួយនៅក្នុងអាជីពជាតារាសម្ដែងរបស់ខ្លួន។

ភាពយន្តដែលបានធ្វើឲ្យតារាសម្ដែងអាយុ ៤១ ឆ្នាំទទួលបានជ័យជំនះលើកនេះគឺ "The Revenent”។ នៅក្នុងរឿងនេះ Leo ដើរតួបុរសម្នាក់ឈ្មោះ Hugh Glass អ្នកប្រមាញ់ម្នាក់ដែលត្រូវវាយប្រហារដោយក្រុមខ្លាឃ្មុំនៅលើភ្នំទឹកកក។ ការឈ្នះរង្វាន់លើកនេះរបស់តួរឿង "Titanic” មិនមែនជារឿងគួរឲ្យភ្ញាក់ផ្អើលនោះទេ ដោយមុនពេលទទួលបានជោគជ័យនៅ Oscar លោក Leonardo បានប្រមូលបានពានជាច្រើនដូចជា Golden Globe, Critics’ Choice Award, SAG និង BAFTA ជាដើម តាមរយៈរឿង "The Revenent" នេះ ៕

ចុចអាន៖តួឯកក្នុងរឿង “Titanic” Jack និង Rose ជួបគ្នាក្នុងកម្មវិធី Oscar ២០១៦

ប្រែសម្រួល៖ សុវណ្ណផៃ ប្រភព៖bbc