Lazareth LM847 ម៉ូតូធំ ម៉ាស៊ីន៨ កម្លាំង៤៧០សេះ តម្លៃជាង២០ម៉ឺនដុល្លារ

2016-03-03 20:43:48
ចំនួនមតិ 0 | ចំនួនចែករំលែក 0

ចន្លោះមិនឃើញ

Lazareth ក្រុមកែច្នៃយានយន្តដ៏ល្បីក្នុងប្រទេសបារាំង តែងតែយកម៉ូតូ និងឡានទំនើបៗដូចជា Duke BMW Rang Rover Lamborghini Ferrari មកកែច្នៃបន្ថែមកម្លាំង និងភាពទាក់ទាញ។ អ្វីដែលធ្វើឲ្យគេទទួលស្គាល់ និងភ្ញាក់ផ្អើលចំពោះ Lazareth គឺពួកគេថែមទាំងអាចយកម៉ាស៊ីនកំពូលនៃឡានទាំងនោះមកបំពាក់ជាមួយតួម៉ូតូផងដែរ។

ជាក់ស្ដែង កាលពីពេលថ្មីៗនេះក្នុងព្រឹត្តិការណ៍ពិព័រណ៍យានយន្ត ដ៏ធំនៅក្នុងប្រទេសស្វីស Lazareth បានបង្ហាញម៉ូតូធំដែលប្រើម៉ាស៊ីនរបស់រថយន្ត Maserati Gran Turismo ជាម៉ាស៊ីនប្រភេទV8 កម្លាំង ៤៧០សេះ ហើយល្បឿនកំពូលរបស់វាគឺរហូតដល់ទៅ ២៨៥គីឡូម៉ែត្រក្នុងមួយម៉ោង។ ព្រោះតែប្រើនូវប្រភេទម៉ាស៊ីនដ៏ធំ និងមានសន្ទុះខ្លាំងនេះទើប LM847 តម្រូវឲ្យមានការរចនាពិសេស ប្រកបដោយភាពរឹងមាំ ដោយម៉ូតូប្រភេទនេះមានកង់ដល់ទៅបួនគ្រាប់ ហើយវាក៏មានបំពាក់នូវហ្វ្រាំងថាសពិសេសដែលមិនដែលមានម៉ូតូណាមាននោះទេ។ ចំពោះតម្លៃរបស់ Lazareth LM847 មានប្រមាណជាជាង ២០ម៉ឺនដុល្លារ៕