ភាពយន្តថ្មីសហការជាមួយចិនរបស់ Lee Minho លេចធ្លាយ Trailer

2016-03-17 16:02:37
ចំនួនមតិ 0 | ចំនួនចែករំលែក 0

ចន្លោះមិនឃើញ

គម្រោងភាពយន្ត "Bounty Hunter” របស់តារាសម្ដែងកូរ៉េ Lee Minho ស្រាប់តែត្រូវលេចធ្លាយ Trailer មានប្រវែងជាង១នាទី ធ្វើឲ្យអ្នកគាំទ្ររបស់ Lee Minho ជក់ចិត្តនឹងឈុតវាយតប់របស់តារាសម្ដែងនេះ។

ដោយមិនដឹងហេតុផល ថ្ងៃ ១៧ខែមីនា Trailer របស់ភាពយន្ត "Bounty Hunter” ត្រូវបានលេចធ្លាយលើបណ្ដាញអ៊ីនធឺណិត។ បើទោះបីជាភាពយន្តនេះបានបញ្ចប់គ្រប់ឈុតថតទាំងអស់កាលពីចុងឆ្នាំមុនក៏ដោយ តែក្រុមការងារមិនទាន់ចាប់ផ្ដើមយុទ្ធនាការផ្សព្វផ្សាយនៅឡើយទេ ដែលជាមូលហេតុធ្វើឲ្យអ្នកគាំទ្រទន្ទឹងរង់ចាំមើលលក្ខណៈសម្បត្តិរបស់តួអង្គយ៉ាងអន្ទះសា។

Poster ដ៏អាថ៌កំបាំងរបស់ "Bounty Hunter"

“Bounty Hunter” គឺជាគម្រោងភាពយន្តធំសហការគ្នារវាងចិននិងកូរ៉េ ប្រមូលផ្ដុំទៅដោយតារាសម្ដែងល្បីឈ្មោះជាច្រើនរបស់ប្រទេសទាំង២ដូចជា Lee Minho, Wallace Chung និង Tang Yan ជាដើម។ គេជឿជាក់ថានេះភាពយន្តនេះនឹងទទួលបានជោគជ័យនៅពេលដាក់បញ្ចាំង។ នេះក៏ជាលើកទី១ត្រលប់មករឿងវាយតប់គ្នាវិញរបស់ Lee Minho ផងដែរបន្ទាប់ពីទទួលបានការគាំទ្រច្រើនក្នុងរឿងភាគ "City Hunter” កាលពីឆ្នាំ ២០១១។

Tang Yan ត្រូវប្រជែងជាមួយ Angelababy និង Yang Mi ដើម្បីមានមុខក្នុងរឿងនេះ

ជាមួយគ្នាផងដែរ ដើម្បីបានដើរតួឯកមួយក្នុងភាពយន្តនេះ តារាសម្ដែងស្រី Tang Yan ត្រូវប្រជែងជាមួយតារាស្រីល្បីឈ្មោះដូចជា Angelababy និង Yang Mi ដើម្បីមានវត្តមានក្នុងគម្រោងធំលើកនេះ។មកទល់ពេលនេះ ខាងក្រុមការងារមិនទាន់បញ្ជាក់ថ្ងៃដាក់បញ្ចាំងរបស់ភាពយន្តនេះនៅឡើយទេ៕