កីឡាករ​ប្រដាល់​ជើង​ខ្លាំង​របស់​កម្ពុជា​ សេន​ ប៊ុនថេន​ នឹង​ត្រូវ​ឡើង​ប្រកួត​ជា​លក្ខណៈ​អន្តរជាតិ​ក្នុង​កម្មវិធី​ Thai Fight ​ ដោយ​ត្រូវ​ប៉ះ​អ្នក​លេង​សាំម៉ូរ៉ៃ​ជប៉ុន​ Takeru Shimizu ក្នុង​ប្រភេទ​ទម្ងន់​៧០​គីឡូក្រាម​ នៅ​ថ្ងៃ​សៅរ៍​ ទី​២៥​ ខែ​តុលា​ ឆ្នាំ​២០១៤​ ស្អែក​នេះ។

ជើង​ខ្លាំង​កម្ពុជា​រូប​នេះ​ធ្លាប់​ប្រកួត​បាន​៩៩​ដង​ ក្នុង​នោះ​ឈ្នះ​៨៧​ដង​ ចាញ់​៩​ដង​ និង​ស្មើ​៣​ដង។ អ្នក​លេង​កែង​មុត​ស្រួច​រូប​នេះ​ធ្លាប់​ប្រកួត​បាន​៩៩​ដង​ ឈ្នះ​៨៧​ដង​ ចាញ់​៩​ និង​ស្មើ​៣ដង។ សេន​ ប៊ុនថេន​ ជា​ម្ចាស់​ជើង​ឯក​ IKS-Cambodia ក្នុង​ប្រភេទ​ទម្ងន់​៦៥​គីឡូក្រាម​ ៦៧​គីឡូក្រាម​ ៧០​គីឡូក្រាម​ និង​៧២.៥គីឡូក្រាម។

ដោយ​ឡែក​ ដៃ​គូ​ដែល​ត្រូវ​ប៉ះ​របស់​ សេន​ ប៊ុនថេន​ គឺ​ Takeru Shimizu របស់​ជប៉ុន​ ឯណោះ​វិញ​ ធ្លាប់​ប្រកួត​បាន​៣២​លើក​ ក្នុង​នោះ​ឈ្នះ​២១​ ចាញ់​១០​ និង​ស្មើ​១។ កីឡាករ​រូប​នេះ​ជា​ម្ចាស់​ជើង​ឯក​ WPMF JAPAN Welterweight Champion 2010 និង​ជា​ជើង​ឯក​ WPMF JAPAN Super Welterweight Champion 2013 រហូត​ដល់​បច្ចុប្បន្ន។

វីដេអូ​ សេន​ ប៊ុនថេន​ ប្រកួត​លក្ខណៈ​អន្តរជាតិ​កន្លង​មក

អ្នក​ទាំង​ពីរ​នឹង​ត្រូវ​ជួប​គ្នា​នៅ​ថ្ងៃ​ស្អែក​នេះ​ នៅ​ M C HALL THE MALL BANGKAPI ហើយ​ការ​ប្រកួត​នេះ​នឹង​ផ្សាយ​ផ្ទាល់​តាម​កញ្ចក់​ទូរទស្សន៍​ប៉ុស្តិ៍​លេខ​បី​របស់​ថៃ​ និង​ប៉ុស្តិ៍​លេខ​៥​​ខ្មែរ ចាប់​ពី​ម៉ោង​៥:៣០​នាទី​ល្ងាច។

ព័ត៌មាន​កីឡា​ច្រើន​ទៀត​ សូម​ចុច...

អត្ថបទ៖ អៀង សូទ្រី