សម្រេចចិត្តច្បាស់នៅ ចាក់សាំងធម្មតាឬស៊ុបពែរ?

2016-03-22 17:17:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តមិនតិចទេ ដែលមិនសូវខ្វល់ពីប្រភេទសាំង (ធម្មតានិងស៊ុបពែរ) ត្រូវចាក់យានជំនិះរបស់ខ្លួន។ បើអ្នកចេះតែចាក់សាំងផ្ដេសផ្ដាស ឡានម៉ូតូអ្នកអាចនឹងមានបញ្ហាទៅថ្ងៃក្រោយ ព្រោះតែម៉ាស៊ីននិងប្រភេទសាំងមិនស៊ីគ្នា។

លោក ហាក់ ហួត ដែលជាម្ចាស់ហ្ការ៉ាស់លក់គ្រឿងបន្លាស់រថយន្តយីហោ ហាក់ ហួត ពន្យល់ថា សាំងធម្មតាតម្លៃរាងធូរថ្លៃ ពុំមានកម្លាំងចំហេះខ្លាំងនោះទេ ដូច្នេះវាច្រើនតែប្រើជាមួយឡាន និងម៉ូតូថ្មី ឬប្រភេទយានយន្តបំពាក់ម៉ាស៊ីនមិនត្រូវការចំហេះឥន្ទនៈខ្លាំង។ ម្យ៉ាងទៀតសាំងធម្មតានឹងមិនធ្វើឱ្យម៉ាស៊ីនយានយន្តឆាប់ឡើងកម្តៅឡើយ។

ដោយឡែកសម្រាប់សាំង ស៊ុបពែរវិញ លោក ហួតថា វាជាប្រភេទសាំងមានតម្លៃថ្លៃជាងសាំងធម្មតា។ វាមានចំហេះខ្លាំងហើយស៊ីគ្នានឹងម៉ាស៊ីនឡាននិងម៉ូតូប្រភេទស្ព័រ ឬប្រើយូរឆ្នាំ មិនសូវស្ទុះ តែសាំងប្រភេទនេះអាចធ្វើឱ្យម៉ាស៊ីនឆាប់ឡើងកម្តៅជាងការប្រើសាំងធម្មតា។

បើអ្នកគិតថាត្រូវជិះផ្លូវឆ្ងាយហើយចាក់សាំងស៊ុបពែរទៀតនោះ ម៉ាស៊ីនយានយន្តអ្នកនឹងឆាប់ក្តៅ ដែលទាមទារអ្នកត្រូវឧស្សាហ៍ឈប់តាមផ្លូវ ដើម្បីឱ្យម៉ាស៊ីនយានយន្តថយកម្ដៅ។

ដូច្នេះអ្នកបើកបរគ្រប់រូបគួរដឹងច្បាស់ថា សាំងប្រភេទណាត្រូវនឹងយានជំនិះរបស់ខ្លួន ហើយមិនត្រូវចាក់ឡូកឡំគ្នាប៉ាតណាប៉ាតណីនាំឱ្យម៉ាស៊ីនឆាប់ខូចនិងស្ទក់៕

អាន៖ មិនចង់ងងុយគេងពេលបើកបរ ចូរអនុវត្តចំណុចទាំងនេះ

អត្ថបទ៖ ប៉ែត ផាន់និត