កម្មវិធីបកប្រែពិសេសរបស់ Microsoft ទោះគ្មានអ៊ីនធឺណិតក៏ប្រើបាន

2016-03-31 21:07:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Microsoft Translator ជាកម្មវិធីថ្មីមួយដែលអាចប្រើដើម្បីបកប្រែភាសាបានច្រើនប្រភេទ ហើយអ្វីដែលពិសេសនោះ កម្មវិធីនេះអាចបកប្រែភាសាមួយចំនួនបានដោយមិនប្រើប្រាស់អ៊ីនធឺណិតថែមទៀតផង។

ដើម្បីអាចបកប្រែភាសាដោយគ្មានអ៊ីនធឺណិតបានគឺទាមទារឲ្យអ្នកប្រើប្រាស់ទាញយកភាសាទាំងនោះដាក់ចូលទៅកម្មវិធីទូរសព្ទ ដែលភាសាអាចទាញយកបានមានដូចជា ភាសាអារ៉ាប់, ភាសាចិន, បារាំង, អាល្លឺម៉ង់, អ៊ីតាលី, ប៉ូឡូញ, ព័រទុយហ្គាល់, រុស្សី, អេស្ប៉ាញ, ទួរគី និងភាសាវៀតណាម។

-ក្នុងការទាញយកគឺត្រូវដំឡើងកម្មវិធី Microsoft Translator ជាមុនសិនរួចបើកកម្មវិធីហើយចុចលើសញ្ញាចុចបីដែលនៅខាងស្ដាំផ្នែកខាងលើ។

-បន្ទាប់មកចុចលើ Offline Languages រួចទាញយកភាសាណាមួយដែលចង់បាននោះជាការស្រេច។

គួរបញ្ជាក់ថាការបកប្រែភាសាដោយគ្មានអ៊ីនធឺណិតនេះគឺមិនអាចដំណើរការមុខងារបកប្រែដោយសំឡេងបានឡើយ បើចង់ប្រើលុះត្រាតែភ្ជាប់អ៊ីនធឺណិត។ កម្មវិធី Microsoft Translator មានដាក់ឲ្យទាញយកទាំងសម្រាប់ Android និង iOS ប៉ុន្តែសម្រាប់ប្រព័ន្ធ iOS គឺគ្មានមុខងារទាញយកភាសានេះឡើយ៕

ចុចរូបខាងក្រោមដើម្បីទាញយកកម្មវិធី៖