គ្រាន់តែបរិច្ចាគមេជីវិត នឹងទទួលបាន iPhone 6S មួយគ្រឿងភ្លាម?

2016-04-05 16:45:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានដ៏គួរឲ្យចាប់អារម្មណ៍មួយបានកើតឡើងក្នុងបណ្ដាញសង្គមរបស់ប្រទេសចិន ដោយលេចឮដំណឹងថាការបរិច្ចាគមេជីវិតក្នុងទីក្រុងសៀងហៃ អ្នកនឹងអាចទទួលបាន iPhone 6S មួយគ្រឿងភ្លាម។

ប៉ុន្តែទោះជាយ៉ាងណាអ្នកនាំពាក្យរបស់ធនាគារមេជីវិតរបស់ទីក្រុងសៀងហៃលោក Chen Xiangfeng បានចេញមកច្រានចោលទាំងស្រុងនូវព័ត៌មានទាំងនោះ ហើយលោកបានបន្ថែមថានេះគ្រាន់តែជាពាក្យចចាមអារ៉ាមតែប៉ុណ្ណោះ។ លោក Chen ក៏បានបន្តទៀតថាធនាគារមេជីវិតរបស់ទីក្រុងសៀងហៃនេះបង្កើតតាំងពីឆ្នាំ២០០៣ ហើយវាក៏ធ្លាប់ជួបបញ្ហាខ្វះមេជីវិតសម្រាប់តម្កល់ទុកផងដែរ ព្រោះតែរដ្ឋាភិបាលចិនមានច្បាប់ថ្មីអនុញ្ញាតឲ្យមានកូនពីរ។ ក្នុងនោះទោះជាធនាគារមេជីវិតមិនមានមេជីវិតគ្រប់គ្រាន់ក៏ខាងធនាគារមិនដែលបង្កើតនូវកម្មវិធីបរិច្ចាគដើម្បីទទួលបាន iPhone អ្វីនោះទេ។

លោក Chen Xiangfeng ក៏បានបញ្ជាក់ឲ្យដឹងផងដែរថាសម្រាប់អ្នកដែលធ្វើការបរិច្ចាគមេជីវិតឲ្យទៅ ធនាគារមេជីវិត ពួកគេ នឹងទទួលបានរង្វាន់ជាច្រើន ដែលមានតម្លៃលើសពី iPhone ឬ iPad ផងដែរ៕

អានបន្ត ៖ NASA ដាក់ឲ្យទាញយកទិន្នន័យសណ្ឋានផែនដីជាង ២,៩៥លានកន្លែង ដោយមិនគិតថ្លៃ

ប្រែសម្រួល ៖ រដ្ឋ ប្រភព ៖ shanghaiist