សេន ប៊ុនថេន ឈ្នះ ហើយបង្ហាញអត្តសញ្ញាណខ្មែរនៅ Thai Fight ទៀត

2014-10-26 03:32:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងទម្ងន់ជើង សេន ប៊ុនថេន បានបង្ហាញអត្តសញ្ញាណជាខ្មែរគួរឲ្យគោរពក្នុងព្រឹត្តិការណ៍ Thai Fight កាលពីល្ងាចមិញនេះដោយបានចងក្រមាលើក្បាល និងទទួលបានជ័យជម្នះលើកីឡាករជប៉ុនថែមទៀត។

សេន ប៊ុនថេនបានរកឃើញជ័យជម្នះរបស់ខ្លួនជាលើកដំបូងក្នុងព្រឹត្តិការណ៍ប្រដាល់លំដាប់ពិភពលោក Thai Fight បន្ទាប់ពីផ្តួលជើងខ្លាំងសាំម៉ូរ៉ៃជប៉ុន Takeru Shinmizu ដោយពិន្ទុ។

សម្រាប់ការប្រកួតទាំង៣ទឹក សេន ប៊ុនថេន ប្រើរន្ទះជើងទាត់បានយ៉ាងល្អដែលធ្វើឲ្យអ្នកលេងសាំម៉ូរ៉ៃជប៉ុនវ័យក្មេងពិបាកចូូូលវ៉ៃ។ ទោះជាយ៉ាងណាជើងខ្លាំងកម្ពុជារូបនេះមិនអាចបំបាក់អ្នកលេងឆ្លងដែនជប៉ុនឲ្យសន្លប់បានទេ។

ក្រៅពីទទួលបានជ័យជម្នះដែលជាលទ្ធផលដ៏កម្រសម្រាប់កីឡាករកម្ពុជានៅ Thai Fight សេន ប៊ុនថេន បានបង្ហាញជាលក្ខណៈខ្មែរដោយបានចងក្រមាលើក្បាលដែលជាអត្តសញ្ញាណខ្មែរ។ ជើងខ្លាំងកម្ពុជាម្នាក់នេះធ្លាប់ប្រកួតនៅព្រឹត្តិការណ៍នេះម្តងហើយចាញ់កីឡាករបារាំង Pinto ដោយពិន្ទុ និងរងការរិះគន់ពីសហព័ន្ធកីឡាប្រដាល់កម្ពុជា និងអ្នកគាំទ្រយ៉ាងខ្លាំងពីការបង្ហាញប្រពៃណីថៃ៕

អត្ថបទ៖ ជាន ចាន់រ៉ា