iPhone 6 ផ្ទុះនៅវៀតណាម ពេលកំពុងសាកថ្ម
- 2016-04-22 17:36:45
- ចំនួនមតិ 0 | ចំនួនចែករំលែក 0
iPhone 6 ផ្ទុះនៅវៀតណាម ពេលកំពុងសាកថ្ម
ចន្លោះមិនឃើញ
ហេតុការណ៍ផ្ទុះទូរសព្ទ iPhone 6 បានកើតឡើងលើបុរសសញ្ជាតិវៀតណាមមួយរូបឈ្មោះ Tam ដែលទូរសព្ទបានផ្ទុះពេលដែលកំពុងសាកបញ្ចូលថ្ម។
បុរសដែលជាម្ចាស់ទូរសព្ទផ្ទុះបានឲ្យដឹងថា មុនពេលកើតហេតុមួយខែ អេក្រង់ទូរសព្ទ iPhone របស់គាត់បានបែក ហើយក៏បានយកវាទៅជួសជុលនៅឯហាងមួយកន្លែងក្បែរផ្ទះ។ ក្រោយពីជួសជុលរួច ម៉ាស៊ីនទូរសព្ទដំណើរការធម្មតា ប៉ុន្តែមិននឹកស្មានថាបែរជាផ្ទុះក្រោយប្រើបានរយៈពេលមួយខែ។
ក្នុងបទសម្ភាសន៍ជាមួយវិបសាយ Zing លោក Tam យល់ឃើញថា មូលហេតុដែលធ្វើឲ្យផ្ទុះប្រហែលជាជាងបានលួចប្ដូរថ្មទូរសព្ទជាមួយថ្មដែលគុណភាពអន់ នៅពេលដែលសុំឲ្យប្ដូរកញ្ចក់ទូរសព្ទ។
គួររំលឹកថាហេតុការណ៍ផ្ទុះទូរសព្ទពេលកំពុងសាកថ្មនេះ ឃើញឧស្សាហ៍កើតឡើងជារឿយៗ។ ដើមហេតុនៃការផ្ទុះមិនទាន់មានការបញ្ជាក់ច្បាស់លាស់នៅឡើយទេ រហូតមកទល់ពេលនេះ៕
ចុចអាន៖ ដើមឆ្នាំ២០១៦ Samsung លក់ទូរសព្ទបានច្រើនជាង Apple ដល់ទៅពីរដង
ប្រែសម្រួល៖ ហៃ សុខហេង ប្រភព៖ Zing