Justin Bieber ថតរូបពីរសន្លឹកយកកាមេរ៉ា iPhone ធៀប Samsung
- 2016-04-22 18:38:10
- ចំនួនមតិ 0 | ចំនួនចែករំលែក 0
Justin Bieber ថតរូបពីរសន្លឹកយកកាមេរ៉ា iPhone ធៀប Samsung
ចន្លោះមិនឃើញ
ថ្មីៗនេះកំពូលតារាចម្រៀង Justin Bieber បានបង្ហោះរូបភាពពីរសន្លឹកលើគណនី Instagram របស់ខ្លួនដែលជាគណនីផ្លូវការ ដោយរូបទាំងពីរមានប្រៀបធៀបពីគុណភាពកាមេរ៉ាទូរសព្ទរបស់ក្រុមហ៊ុន Samsung និង iPhone។
ដំបូងឡើយ Justin បានបង្ហោះរូបទីមួយបង្ហាញពីសត្វល្អិតនៅលើកញ្ចក់រថយន្ត ផ្ដិតដោយទូរសព្ទ Samsung ដែលមិនបានបញ្ជាក់ពីម៉ូដែលទូរសព្ទឡើយ។
បន្ទាប់មកក៏បានបង្ហោះរូបភាពមួយសន្លឹកទៀតបង្ហាញពីសត្វល្អិតដូចគ្នា ដោយម្ដងនេះថតដោយប្រើទូរសព្ទ iPhone ម្ដង (មិនបានបញ្ជាក់ម៉ូដែលឡើយ)។ ក្រៅពីបង្ហាញរូបភាពទីពីរតារាចម្រៀងសញ្ជាតិកាណាដារូបនេះ ក៏បានសរសេរភ្ជាប់រូបភាពដោយគិតថា Samsung ចាប់យករូបភាពបានល្អជាង។
iPhone photo check the one before I think Samsung took he better pic A photo posted by Justin Bieber (@justinbieber) on
ត្បិតថាមិនបានបញ្ជាក់ពីម៉ូដែលទាំងពីរក៏ពិតមែន ប៉ុន្តែគេយល់ថារូបភាពទាំងពីរថតដោយទូរសព្ទ Galaxy S7 ដែលមានកម្រិតកាមេរ៉ា ១២ MP និង iPhone 6s កម្រិតកាមេរ៉ា ១២ MP ដូចគ្នា៕
តាមរយៈរូបភាពទាំងពីរខាងលើ តើប្រិយមិត្តយល់ឃើញដូចតារាចម្រៀងវ័យ ២២ឆ្នាំខាងលើដែរឬទេ?
ចុចអាន៖ iPhone 6 ផ្ទុះនៅវៀតណាម ពេលកំពុងសាកថ្ម
ប្រែសម្រួល៖ ហៃ សុខហេង ប្រភព៖ thegioididong