​ព្រោះ​តែ​​ធ្វេសប្រហែស​ក្នុង​ការ​ជ្រើស​រើស​ផលិត​បច្ចេកវិទ្យា​យក​ទៅ​ប្រើប្រាស់​ ​​បាន​ធ្វើ​ឲ្យ​ធនាគារ​មួយ​របស់​ប្រទេស​បង់ក្លាដេស​ ​ខាត​បង់​លុយ​អស់​ ​៨០លានដុល្លារ​។​

រឿង​ដ៏​ធំ​នេះ​បាន​កើត​ឡើង​លើ​ធនាគារ​កណ្ដាល​របស់​​ប្រទេស​បង់ក្លាដេស​ ​ដែល​បាន​ទិញ​ ​switches មួយ​ទឹក​​មាន​តម្លៃ​តែ​ ១០ ដុល្លារ​ ​ដែល​មិន​មាន​មុខងារ​ Firewall ​យក​ទៅ​ភ្ជាប់​ជា​មួយ​បណ្ដាញ​ ​Network​ ​មេដែល​បណ្ដាញ​នោះ​ជា​តំណ​ភ្ជាប់​ជា​មួយ​សហគមន៍​សុវត្ថិភាព​ចរាចរណ៍​ហិរញ្ញវត្ថុ​ពិភពលោក​ ​ដែល​គេ​ហៅ​ថា​ ​SWIFT​។​

ចំពោះ​បញ្ហា​នេះ​ខាង​ប៉ូលិស​បង្ក្រាប​ឧក្រិដ្ឋកម្ម​លើ​ប្រព័ន្ធ​បច្ចេកវិទ្យា​របស់​ ​បង់ក្លាដេស​បាន​ឲ្យ​ដឹង​ថា​ពួក​ ​Hacker​ ​បាន​ធ្វើ​ការ​វាយ​ប្រហារ​តាម​ចន្លោះ​ប្រហោង​ដែល​គ្មាន​ ​Firewall​​ ​របស់​ ​switches ​ ​មួយ​ទឹក​នោះ​។​ ​​ពួក​ ​Hacker​ ​ទាំង​នោះ​បាន​លួច​បង្វិល​លុយ​ប្រមាណ​ ​៨២លានដុល្លារ​ចូល​ទៅ​កាន់​គណនី​របស់​ ​Casino​ ​មួយ​ចំនួន​ដែល​ស្ថិត​ក្នុង​ប្រទេស​ហ្វីលីពីន តែមិនអាចដឹងថា Casino ណាខ្លះនោះទេ​៕

អាន​បន្ត​ ​៖​  ម៉ូដែល​​រថយន្ត​ Lamborghini ​​ប្លែកៗ​ ការពិត​យក​ឈ្មោះ​តាម​គោ​ជល់

ប្រែ​សម្រួល​ ​៖​ ​រដ្ឋ​ ប្រភព​ ​៖​ businessinsider