យន្តហោះគ្មានជញ្ជាំងដែលធ្លាប់តែជាក្តីស្រមៃនឹងក្លាយជាការពិត

2014-10-27 21:29:43
ចំនួនមតិ 0 | ចំនួនចែករំលែក 0

ចន្លោះមិនឃើញ

គំរូយន្តហោះគ្មានជញ្ជាំងបានក្លាយជាគម្រោងមួយក្ដៅគគុកដែលក្រុមហ៊ុនធំៗចំនួនពីរនឹងធ្វើឲ្យវាក្លាយទៅជាការពិតនៅប៉ុន្មានឆ្នាំទៀតនេះ។

យន្តហោះគ្មានជញ្ជាំងឬ Windowless Plane ជាយន្តហោះដែលបំពាក់ដោយបច្ចេកវិទ្យាទំនើបៗជាពិសេសគឺបច្ចេកវិទ្យាដែលអាចឲ្យអ្នកដំណើរលើយន្តហោះអាចទស្សនាទេសភាពដ៏ស្រស់ស្អាតពីខាងក្រៅយន្តហោះបានយ៉ាងធំទូលាយ។ គំរូយន្តហោះដ៏អស្ចារ្យនេះត្រូវបានផលិតដោយក្រុមហ៊ុនពីរដែលទីមួយជារបស់បារាំងTechnicon និងទីពីរជារបស់អង់គ្លេស The Centre for Process Innovation (CPI) ។

ចំពោះក្រុមហ៊ុន Technicon របស់បារាំងបានផលិតគំរូយន្តហោះគ្មានជញ្ជាំងនេះដោយប្រើថាមពលពន្លឺព្រះអាទិត្យដែលក្បាលយន្តហោះបំពាក់ដោយបន្ទះសូឡា។ ចំពោះផ្នែកខាងក្រៅនៃយន្តហោះបំពាក់ដោយកាមេរ៉ាដែលអាចចាប់យករូបភាពពីខាងក្រៅហើយបញ្ជូនទៅក្នុងផ្ទាំង Monitor (ជញ្ជាំងយន្តហោះ) ផ្នែកខាងក្នុងសម្រាប់ឲ្យអ្នកដំណើរទស្សនា (រូបភាពនិងវីដេអូក្នុងកម្រិត ៣៦០ដឺក្រេ) ដែលមើលទៅដូចជាយន្តហោះបំពាក់ដោយកញ្ចក់ថ្លាអញ្ចឹង។ តែទោះជាយ៉ាងណាគំរូយន្តហោះគ្មានជញ្ជាំងនេះមានកៅអីតិចនិងទំហំយន្តហោះនៅតូចចង្អៀតនៅឡើយ។

គំរូយន្តហោះគ្មានជញ្ជាំងរបស់ក្រុមហ៊ុនបារាំង Technicon

វីដេអូ៖

យើងងាកមកមើលគំរូយន្តហោះគ្មានជញ្ជាំងរបស់ក្រុមហ៊ុនអង់គ្លេស The Centre for Process Innovation (CPI) ដែលប្រើសាំងវិញម្តង។ CPI នឹងបំពាក់បច្ចេកវិទ្យា OLED ទៅលើផ្ទាំង Monitor (ជញ្ជាំងយន្តហោះ) នៅខាងក្នុងយន្តហោះហើយបំពាក់កាមេរ៉ានៅផ្នែកខាងក្រៅដើម្បីបញ្ជូនទិន្នន័យ (មកខាងក្នុង)។ លើសពីនេះយន្តហោះនឹងមានទម្ងន់ស្រាល កៅអីអង្គុយកាន់តែធំទូលាយ និងសន្សំសំចៃសាំងរហូត ០,៧៥% ហើយកាន់តែពិសេសទៀតនោះគឺយន្តហោះគ្មានជញ្ជាំងនេះនឹងជួយកាត់បន្ថយការបញ្ចេញឧស្ម័ន CO2 ទៅកាន់បរិយាកាសបានមួយកម្រិតធំផងដែរ។ ដោយឡែកអ្នកដំណើរនៅលើយន្តហោះអាចផ្លាស់ប្ដូររូបភាព ឬវីដេអូនៅកន្លែងអង្គុយតាមចំណូលចិត្ត។ ក្រុមហ៊ុន CPI បានបញ្ជាក់ថាគម្រោងផលិតយន្តហោះគ្មានជញ្ជាំងនេះនឹងក្លាយជាការពិតរយៈពេល១០ឆ្នាំទៀតដោយបានចំណាយថវិកាប្រមាណជា ៥៦លានដុល្លារទៅលើគម្រោងមួយនេះ៕

ជញ្ជាំងយន្តហោះ និងកៅអីអង្គុយបំពាក់ដោយ Monitor

គំរូយន្តហោះគ្មានជញ្ជាំងរបស់ក្រុមហ៊ុនអង់គ្លេសThe Centre for Process Innovation (CPI)

វីដេអូ៖ 

http://www.youtube.com/watch?v=Ga3PMsrHpjU#t=38 ចំពោះប្រិយមិត្តតើចង់ជិះលើយន្តហោះគ្មានជញ្ជាំងមួយណាដែរ? អានអត្ថបទបច្ចេកវិទ្យាសំខាន់ៗចុចត្រង់នេះ

ប្រែសម្រួល៖ ប៉ែត ផាន់និត ប្រភព៖ technicondesign, theguardian

ពាក្យទាក់ទង

បច្ចេកវិទ្យាប្លែកៗ

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

មិនចង់មានថ្ងៃនេះ! គ្រីសឌីវ៉ា បញ្ចប់ស្នេហាខំសាង៨ឆ្នាំជាមួយ Dj Alex ដោយត្រឹមពាក្យថាអរគុណ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

អត្ថបទថ្មី

សណ្ឋាគារ Raffles Hotel Le Royal ទទួលបានជោគជ័យក្នុងការរៀបចំកម្មវិធី CARNAVAL Night

មកដឹងប្រវត្តិស្មាត់ស្ដាំក្លឹបស្នងការ ចាន់ វាសនា មុនចូលក្រុមជម្រើសជាតិកម្ពុជា

ឡាន Minivan អគ្គិសនី Volkswagen ID.Buzz GTX ដែលមានកម្លាំងខ្លាំង និង Option ទំនើប!

មិត្តហ្វូន បរិច្ចាគ ១២០,០០០ ដុល្លារ ដល់កាកបាទក្រហមកម្ពុជា

សង្វៀនបាយ័នជាកន្លែងផ្ដល់ឱកាស និងបណ្ដុះធនធាន ខណៈកម្មវិធីខ្សែក្រវាត់ខារ៉ាបាវឈានដល់រដូវកាលទី១១