មុខងារ ៤ លើរថយន្តបានក្លាយជាមុខងារហួសសម័យ

2016-05-06 13:15:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកទេសផលិតរថយន្តតែងមានការវិវត្តន៍ខ្លាំងឡើងពីមួយឆ្នាំទៅមួយឆ្នាំ ដែលធ្វើឲ្យមុខងារមួយចំនួនលើរថយន្ត ក្លាយជាមុខងារមួយហួសសម័យ។ មុខងារទាំងនោះមានដូចខាងក្រោម៖

១.រន្ធសម្រាប់អុចបារី៖

មុខងារនេះបានចាប់ផ្ដើមបាត់វត្តមានបន្តិចម្ដងៗ ដោយបច្ចុប្បន្នគេជំនួសវាដោយរន្ធសម្រាប់សាកថ្មទូរសព្ទវិញ។

២. កៅអីអង្គុយជាប់គ្នាផ្នែកខាងមុខ៖

ធ្លាប់ជាសញ្ញាសម្គាល់មួយរបស់រថយន្តអាមេរិក ដែលកៅអីនេះអាចអង្គុយបានដល់ទៅបីនាក់ឯណោះ។ ដោយសារតែកត្តាសុវត្ថិភាពក្រុមហ៊ុនរថយន្តក៏ចាប់ផ្ដើមលុបបំបាត់ចោលបន្តិចម្ដងៗ។ យ៉ាងណាក្ដីគេធ្លាប់ឃើញកៅអីនេះលើរថយន្តសម័យថ្មីដូចជា Cadillac DTS, Buick LaCrosse, និង Lincoln Town Car ជាដើម។

៣. អង់តែនលានចេញក្រៅ៖

អង់តែនលើរថយន្តស៊េរីចាស់មានប្រវែងវែង ដែលធ្វើឲ្យវាយបាក់ ហើយអ្វីដែលម្ចាស់យានយន្តខ្លាចបំផុតគឺពេលលាងសម្អាតរថយន្ត។ បច្ចុប្បន្ននេះវិស្វករបានឌីហ្សាញអង់តែនស៊េរីថ្មីដែលអាចបង្កប់ខ្លួនបាន។

៤. ម៉ាស៊ីនចាក់កាសែត៖

ពីមុនមិនថារថយន្តណាសុទ្ធតែមានកាសែតចម្រៀងយ៉ាងហោចណាស់មួយដុំ ដើម្បីចាក់ស្ដាប់ពេលបើកបរ។ ប៉ុន្តែបច្ចុប្បន្ននេះគេបានប្រើ CD ឬភ្ជាប់ទូរសព្ទទៅនឹងឡានតាមរយៈ Bluetooth ដើម្បីចាក់ចម្រៀងស្ដាប់ជំនួសឲ្យ ដុំកាសែត៕

ចុចអាន៖ ច្នៃរថយន្តលេងម៉ូតដូចតួ Super hero ឃើញហើយចង់លង់

ប្រែសម្រួល៖ ហៃ សុខហេង ប្រភព៖ CarBuzz