“Horns” ខ្សែភាពយន្តថ្មីពិសេសពី តួឯក Harry Potter ជិតបញ្ចាំងហើយ

2014-10-30 18:13:58
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងល្បីអង់គ្លេស Daniel Radcliffe ដែលជាតួឯក “Harry Potter” នឹងត្រលប់មកវិញតាមរយៈភាពយន្តបែបព្រេងនិទានដ៏គួរឲ្យចាប់អារម្មណ៍មួយទៀតគឺរឿង "Horns”។

"Horns" គឺជាភាពយន្តដែលថតតាមសៀវភៅប្រលោមលោកដ៏ល្បីល្បាញនិពន្ធដោយលោក Joe Hill។ ភាពយន្តនេះរៀបរាប់ពីបុរសម្នាក់ដែលមានដុះស្នែងពីរនៅលើថ្ងាស ក្រោយពីមិត្តស្រីរបស់គេបានស្លាប់យ៉ាងអាថ៌កំបាំង។ ស្នែងនេះបានផ្ដល់ឲ្យគេនូវថាមពលពិសេសមួយខុសប្លែកពីមនុស្សធម្មតា ដោយអាចមើលដឹងពីអាថ៌កំបាំងរបស់មនុស្សទូទៅបាន។

ដឹកនាំនិងផលិតដោយអ្នកដឹកនាំរឿងជនជាតិបារាំងលោក Alexandre Aja ភាពយន្តនេះមានការចូលរួមសម្ដែងពីតារាល្បីៗមួយចំនួនទៀតក្រៅពី Daniel Radcliffe ដូចជា Max Minghella, Joe Anderson, Juno Temple, Kelli Garner និង James Remar។

ខ្សែភាពយន្តនេះនឹងមានបញ្ចាំងតំណាលគ្នានៅអាមេរិក និងនៅរោងភាពយន្តផ្លាទីនៀម ផ្សារទំនើបសុរិយា ចាប់ពីថ្ងៃទី៣១ ខែតុលា ខាងមុខនេះហើយ។ ចង់ដឹងថា "Horns” ល្អមើល និងមានឈុតឆាករន្ធត់ៗ គួរឲ្យចាប់អារម្មណ៍យ៉ាងណានោះ សូមកុំភ្លេចចូលរួមទស្សនាទាំងអស់គ្នា។